వీర సింహారెడ్డి ... వాల్తేరు వీరయ్య మూవీలకు తెలంగాణ సర్కార్ నుండి గుడ్ న్యూస్..!

Pulgam Srinivas
ప్రతిసారి సంక్రాంతి పండుగ వచ్చింది అంటే టాలీవుడ్ బాక్స్ ఆఫీస్ దగ్గర పండుగ వాతావరణం కనిపిస్తుంది అనే విషయం మన అందరికీ తెలిసిందే. అందులో భాగంగా ఈ సారి కూడా సంక్రాంతి పండుగ కు రెండు తెలుగు రాష్ట్రాల్లో థియేటర్ ల వద్ద పండుగ వాతావరణం కనిపించబోతుంది. తెలుగు సినిమా ఇండస్ట్రీ లో అద్భుతమైన క్రేజ్ ఉన్న నందమూరి నటసింహం బాలకృష్ణ హీరోగా తెరకెక్కిన వీర సింహా రెడ్డి మూవీ మరియు మెగాస్టార్ చిరంజీవి హీరోగా తెరకెక్కిన వాల్తేరు వీరయ్య సినిమాలు ఈ సంవత్సరం సంక్రాంతి బరిలో నిలిచిన విషయం మనకు తెలిసింది.

బాలకృష్ణ హీరోగా తెరకెక్కిన వీర సింహా రెడ్డి మూవీ ని జనవరి 12 వ తేదీన ప్రపంచవ్యాప్తంగా థియేటర్ లలో విడుదల చేయనుండగా ... చిరంజీవి హీరోగా తెరకెక్కిన వాల్తేరు వీరయ్య మూవీ ని జనవరి 13 వ తేదీన థియేటర్ లలో విడుదల చేనున్నారు. ఈ రెండు మూవీ లపై కూడా ప్రేక్షకులు భారీ అంచనాలు పెట్టుకున్నారు. ఇది ఇలా ఉంటే తాజాగా తెలంగాణ రాష్ట్ర ప్రభుత్వం ఈ రెండు సినిమాల విడుదల విషయంలో అద్భుతమైన గుడ్ న్యూస్ ఇచ్చింది.

ఈ రెండు మూవీ లకు కూడా తెలంగాణ రాష్ట్రంలో 6 షో లకు పర్మిషన్ ఇచ్చింది. ఈ సినిమాలు విడుదల అయిన రోజున ఉదయం 4 గంటల నుంచే షో లు వేసుకోవచ్చు అని తెలంగాణ సర్కార్ పేర్కొంది. ఇలా భారీ క్రేజ్ ఉన్న ఈ రెండు సినిమాలకు తెలంగాణ సర్కార్ 6 షో లకు పర్మిషన్ ఇవ్వడంతో ఈ మూవీ లకు తెలంగాణ రాష్ట్రంలో అద్భుతమైన కలెక్షన్ లు లభించే అవకాశాలు ఉన్నాయి. మరి ఈ మూవీ లు తెలంగాణ రాష్ట్రంలో ఏ రేంజ్ కలెక్షన్ లను అందుకుంటాయో చూడాలి.

మరింత సమాచారం తెలుసుకోండి:

సంబంధిత వార్తలు: