2022 పూజా హెగ్డే కు బ్లాక్ ఇయర్ గా మిగిలనుందా..?
పొడుగు కాళ్ల సుందరి పూజా హెగ్డే గురించి ప్రత్యేకంగా పరిచయం అవసరం లేదు. అందంతో పాటు మంచి అభినయం, నటన, ప్రతిభ ఉన్న ఈ ముద్దుగుమ్మ ఎన్నో సినిమాలలో నటించి స్టార్ హీరోయిన్గా ఒక వెలుగు వెలుగుతోంది. ఒక లైలా కోసం సినిమా ద్వారా ఇండస్ట్రీకి పరిచయమైన పూజా హెగ్డే ఆ తర్వాత వరుస సినిమాలు చేసి ఒకరకంగా గుర్తింపు సంపాదించుకుంది. ఆ తర్వాత దువ్వాడ జగన్నాథం, అలా వైకుంటపురంలో వంటి సినిమాలలో నటించి భారీ పాపులారిటీ దక్కించుకున్న పూజా హెగ్డే వెనుతిరిగి చూడలేదు. కానీ ఈ ఏడాది మాత్రం ఈమెకు పెద్దగా కలిసి రాలేదని చెప్పాలి.
చిరంజీవి, రామ్ చరణ్ కలిసి జంటగా నటించిన ఆచార్య సినిమాలో ఈమె హీరోయిన్ గా నటించింది. అయితే ఈ సినిమా ఊహించని స్థాయిలో బెడిసి కొట్టింది . ఈ సినిమా తర్వాత కోలీవుడ్ స్టార్ హీరో విజయ్ సరసన బీస్ట్ సినిమాలో కూడా నటించింది. అయితే ఈ సినిమా కూడా ఈమెకు విజయాన్ని అందించలేదు . ఆ తర్వాత ప్రభాస్ సరసన రాధే శ్యామ్ పాల్ ఇండియా మూవీలో కూడా నటించినా ఈ సినిమాతో కూడా కలిసి రాలేదు. మొత్తానికైతే వరుసగా మూడు సినిమాలు డిజాస్టర్ అయ్యేసరికి ఈమెను ఐరన్ లెగ్ అంటూ అందరూ వైరల్ చేస్తున్నారు.
ప్రస్తుతం ఈమె చేతిలో మహేష్ బాబు - త్రివిక్రమ్ కాంబినేషన్లో తెరకెక్కిస్తున్న #SSMB 28 చిత్రం మాత్రమే ఉంది. ఈ సినిమా తర్వాత ఆమె మరొక సినిమాకు గ్రీన్ సిగ్నల్ ఇవ్వడం లేదు.. అయితే దీనికి కారణం ఈ సంవత్సరం ఈమెకు పెద్దగా కలిసి రాలేదు అని.. అందుకే ఈ ఇయర్లో సైన్ చేసే ప్రాజెక్టులన్ని కూడా డిజాస్టర్ అయ్యే అవకాశం ఉందని గట్టిగా నమ్ముతోంది. అందుకే మహేష్ బాబు సినిమా తర్వాత ఆమె మరొక సినిమా ప్రకటించలేదు. వచ్చే యేడాదైనా కొత్త సినిమా ప్రాజెక్టుల అనౌన్స్మెంట్ ఇస్తుందో లేదో చూడాలి.