ఇంద్రజకు అవకాశాలు రాకపోవడానికి.. అతనే కారణమా?
అయితే మనందరికీ తెలిసిన హీరోయిన్ ఇంద్రజ పేరు రజతి. ఆమెకు ఇద్దరు పిల్లలు కూడా ఉన్నారు. 2005లో మహమ్మద్ అబ్బర్ అనే ముస్లిం వ్యక్తిని ప్రేమించి వివాహం చేసుకుంది ఈ సీనియర్ హీరోయిన్. అతను ప్రముఖ వ్యాపారవేత్త కావడం గమనార్హం. ఎస్ వి కృష్ణారెడ్డి దర్శకత్వంలో ప్రేక్షకులముందుకు వచ్చిన జంతర్ మంతర్ అనే సినిమాతో తెలుగు తెరకు హీరోయిన్ గా పరిచయమైంది ఇంద్రజ. ఇక మొదటి సినిమానే బాక్సాఫీస్ వద్ద సూపర్హిట్ కావడంతో ఇంద్రజ కు ఒక్కసారిగా పాపులారిటీ వచ్చేసింది. రెండు సంవత్సరాలలోనే 30 కి పైగా సినిమాల్లో హీరోయిన్ గా నటించింది ఇంద్రజ.
కేవలం తెలుగులో మాత్రమే కాకుండా మలయాళంలో కూడా దాదాపు స్టార్ హీరోలందరితో కూడా నటించి మంచి గుర్తింపును సంపాదించుకుంది. ఇంద్రజ స్టార్ హీరోయిన్గా ఎదుగుతుంది అని ఆమె కెరీర్ కు తిరుగులేదు అని అందరూ అనుకున్నారు. కానీ ఆ తర్వాత ఇంద్రజ కు అవకాశాలు తగ్గాయి. ఇందుకు కారణం ఇంద్రజ పనిలో పెట్టుకున్న మేనేజర్ అన్నది తెలుస్తుంది. ఇంద్రజ పాపులారిటీ దృశ్య ఎక్కువ అవకాశాలు రాగా.. దర్శకనిర్మాతలకు ఎక్కువగా డీటెయిల్స్ ఇవ్వకపోవడం.. డేట్లు అడ్జస్ట్ చేయలేకపోవడంతో గడప వరకు అవకాశాలు మళ్లీ రిటర్న్ వెళ్లిపోయాయట. తర్వాత విషయం తెలుసుకుని మేనేజర్ను తీసేసి అవకాశాల కోసం ప్రయత్నిస్తే అప్పటికే నిర్మాతలు ఈమెను పట్టించుకోవడం మానేశారు. ఇప్పుడు బుల్లి తెర పై జడ్జి గా అవతారమెత్తి సెకండ్ ఇన్నింగ్స్ ప్రారంభించి ప్రేక్షకులకు దగ్గరైంది ఇంద్రజ.