కార్తికేయ 2 హిట్.. అది ఇప్పుడే చెప్పలేమంటున్న దర్శకుడు?
అప్పట్లో విడుదలైన కార్తికేయ సినిమా ఎంత మంచి విజయాన్ని సాధించిందో ఇటీవలే ఈ సినిమాకు సీక్వెల్ గా తెరకెక్కిన కార్తికేయ 2 సినిమా అంతకు మించిన విజయాన్ని సాధించింది అని చెప్పాలి. డిఫరెంట్ సినిమాలను ప్రేక్షకులు ఎప్పటికీ ఆదరిస్తారు అని కార్తికేయ 2 సినిమా మరోసారి నిరూపించింది. ఇప్పటికే ఈ సినిమా బ్రేక్ ఈవెన్ క్రాస్ చేయడమే కాదు లాభాలు కూడా తెచ్చిపెట్టింది అని చెప్పాలి. కేవలం సౌత్ లో మాత్రమే కాదు నార్త్ లో కూడా సత్తా చాటుతూ వసూళ్లతో దూసుకుపోతోంది. అయితే ఇక ఈ సినిమా క్లైమాక్స్ లో కార్తికేయ 3 గురించి ఒక చిన్న హింట్ ఇచ్చాడు దర్శకుడు.
సముద్ర గర్భంలో దాగి ఉన్నా అయోధ్య మిస్టరీ ఛేదించేందుకు కార్తికేయ సిద్ధమైపోయాడు అంటూ చూపించాడు. దీంతో కార్తికేయ 3 ఎప్పుడు ఉంటుంది అన్న చర్చ కూడా మొదలయింది అని చెప్పాలి. అయితే ప్రస్తుతం సినిమా ప్రమోషన్స్ లో బిజీగా ఉన్నాడు దర్శకుడు చందు మొండేటి. ఇటీవలే ఒక ఇంటర్వ్యూలో పాల్గొన్న దర్శకుడు తన తర్వాత ప్రాజెక్టు గురించి చెప్పుకొచ్చాడు. గీత ఆర్ట్స్ 2 బ్యానర్ లో ఒక లవ్స్టోరీ చేయబోతున్నట్లు తెలిపాడు. ఇక కార్తికేయ 2 కొనసాగింపుగానే సీక్వెల్ 3 కూడా ఉంటుందని తెలిపాడు. కానీ ఆ సినిమా ఎప్పుడు చేస్తాము అనేది మాత్రం ఇప్పట్లో చెప్పలేముఅంటూ తెలిపాడు..