"సాంబ" మూవీ ఎందుకు ఫెయిల్ అయ్యిందంటే ?
* ఒక సినిమా విజయంలో ఎంటెర్టైన్మెంట్ అనేది చాలా ముఖ్య పాత్ర పోషిస్తుంది. ఇందులో కామెడీ కొంతవరకు పర్వాలేదు కానీ, పాటలు మాత్రం ప్రేక్షకులను రంజింపచేసే స్థాయిలో లేదన్నది వాస్తవం. ఈ సినిమాకు మ్యూజిక్ అందించిన మణిశర్మ బాణీలు అంతగా ఆకట్టుకోలేదు.
* ఈ సినిమాలో హీరోయిన్ లు ఇద్దరు ఉన్నప్పటికీ, వారికి స్క్రీన్ ప్రెజన్స్ తక్కువగా ఉండడంతో ప్రేక్షకులు వారికి కనెక్ట్ కాలేకపోయారు. భూమిక కొద్ది సేపే ఉన్నా, జెనీలియా కన్నా పర్వాలేదనిపించింది. జెనీలియా మాత్రం పాటల్లోనే బబ్లీ గా ఉంది.
* అన్నిటికన్నా మించి వీరిద్దరి కాంబినేషన్ లో వచ్చిన "ఆది" ఎంత ప్రభంజనం సృష్టించిందో అందరికీ తెలిసిందే. "ఆది" ని దృష్టిలో ఉంచుకుని ప్రతి ప్రేక్షకుడు థియేటర్ కు వెళ్ళాడు. "ఆది" లాగా ఈ సినిమా వారికి రుచించకపోయి ఉండవచ్చు. ఈ సినిమా ప్రేక్షకులను నిరాశ పరచడంలో పై విషయాలు ప్రధాన కారణంగా నిలిచాయి.
సాంబశివ నాయుడు పాత్రలో ఎన్టీఆర్ నటన అద్భుతం అని చెప్పాలి. ముఖ్యంగా ఎమోషనల్ సీన్స్ లో ఎన్టీఆర్ నటన ప్రేక్షకుల కంట నీరు తెప్పించింది. ఇక ఎన్టీఆర్ డ్యాన్స్ గురించి ప్రత్యేకించి చెప్పక్కర్లేదు. ప్రభుదేవా, లారెన్స్ మరియు రాజశేఖర్ కోరియోగ్రఫీ చేసిన విధానం ఆకట్టుకుంది. ఇక ఫ్యాక్షన్ సినిమాలలో డైలాగులకు ప్రత్యేక స్థానం. కోన వెంకట్ తన డైలాగులతో ప్రేక్షకులను కొంతమేర ఆకట్టుకోగలిగాడు. ఇక ఈ సినిమాను ఎన్టీఆర్ స్నేహితుడు మరియు రాజకీయ నాయకుడు కొడాలి నాని నిర్మించడం విశేషం.