2019లో ట్విటర్ని కుదిపేసిన, సౌత్ ఇండస్ట్రీ మొత్తాన్ని కదిపేసిన సినిమా ఇదే... అంటే ఎవరూ నమ్మరు..?
బాలీవుడ్ స్టార్స్ రణ్వీర్ సింగ్, ఆలియా భట్ జంటగా నటించిన సినిమా 'గల్లీ బాయ్'. జోయా అక్తర్ దర్శకత్వం వహించారు. ఈ సినిమా బాక్సాఫీస్ వద్ద బ్లాక్ బస్టర్ విజయాన్ని సొంతం చేసుకుంది. అంతేకాదు ఆస్కార్ అంచుల దాకా వెళ్లి జారిపడింది. అయితే 2019లో ఈ సినిమా ట్విటర్ ప్లాట్ఫాంను మాత్రం ఒక ఊపు ఊపేసింది. ఈ సినిమా హిట్ అవడానికి చాలానే కారణాలు ఉన్నాయి. అందులో ఒకటి దర్శకురాలు జోయా అక్తర్ ఫ్రెష్ జోడీని ఎంచుకోవడం. ఆలియా భట్, రణ్వీర్ సింగ్ కలిసి నటించిన మొదటి సినిమా. కెరీర్ పరంగా పీక్ స్టేజ్లో ఉన్న వీరిద్దరినీ తెరపై చూడటానికి ప్రేక్షకులు ఎంతగానో ఆసక్తి చూపించారు. అదీకాకుండా సినిమాలో ఆలియా, రణ్వీర్కు ఎలాంటి మేకప్ వేయకుండా కంప్లీట్ నేచురల్గా నటింపజేశారు.
84 కోట్ల బడ్జెట్ తో తెరకెక్కిన ఈ సినిమా బాక్సాఫీస్ వద్ద 238.16 కోట్ల కలెక్షన్స్ని రాబట్టింది. ముంబైలోని మురికివాడకు చెందిన ఇద్దరు ర్యాపర్ల జీవితాధారంగా తెరకెక్కించని సినిమా ఇది. ఒక సాధారణ యువకుడిగా రణ్ వీర్ ర్యాపర్ గా నటించిన విధానానికి ప్రతి ఒక్కరు ఫిదా అయ్యారు. సింగర్ కావాలని కలలు కనే కాలేజి కుర్రాడు ఎన్నో అవమానాలను ఎదుర్కొని ర్యాపర్ గా ఎదుగుతాడు. సినిమాలో ప్రతి పాట చిన్న పిల్లల నుంచి పెద్ద వాళ్ళ వరకు అందరి హృదయాలని కదిలించింది. ముఖ్యంగా 'అప్నా టైమ్ ఆయేగా' సాంగ్ వరల్డ్ వైడ్ గా విపరీతమైన పాపులారిటీని సంపాదించుకుంది.
ఇక ఈ సినిమా భారత్ తరఫున 2020 ఆస్కార్ ఎంట్రీ దక్కించుకుంది. అయితే ఆస్కార్ నామినేషన్స్ జాబితాలో గల్లీబాయ్ కి చోటు దక్కలేదు. ఒరిజినల్ కంటెంట్తో తీసిన సినిమాలనే ఆస్కార్ పరిగణనలోకి తీసుకుంటుంది. కానీ గల్లీ బాయ్.. హాలీవుడ్లో తెరకెక్కిన '8 మైల్' అనే సినిమా ఆధారంగా తెరకెక్కించారట. అందుకే ఆస్కార్ అంచుల దాకా వెళ్లి వెనక్కి వచ్చిందని ప్రముఖ బాలీవుడ్ నటి కంగనా రనౌత్ సోదరి రంగోలీ ఆరోపించారు. హాలీవుడ్ నుంచి కాపీ కొట్టిన సినిమాకు హాలీవుడ్ వాళ్లు పిలిచి మరీ ఎందుకు ఆస్కార్ ఇస్తారని కామెంట్ చేసింది. ఇక 2019లో ట్విటర్ను ఒక ఊపు ఊపేసిన సినిమాల్లో గల్లీ బాయ్ మొదటి స్థానంలో నిలిచింది. ఆ తర్వాత స్థానంలో కబీర్ సింగ్, మిషన్ మంగళ్, కేసరి, హౌస్ఫుల్ 4, ఉరి, కళంక్, సూపర్ 30, ది టాష్కెంట్ ఫైల్స్, ఆర్టికల్ 15 సినిమాలు ఉన్నాయి.