బొద్దింకలకు నాచురల్ హిట్ తో పారద్రోలండీ..!
వేపాకు హిట్..
దీనికోసం వేపాకును తీసుకొని బాగా ఎండబెట్టి పొడిలా చేసుకోవాలి.దీనిని రాత్రి పడుకోబోయే ముందు బొద్దింకలు ఎక్కువగా తిరిగే ప్రదేశాలలో చల్లాలి.వేపాకుకు ఉన్న చేదు వాసన వల్ల బొద్దింకలు పారిపోతాయి.వేపనూనెను చల్లినా కూడా మంచి ఫలితం ఉంటుంది.
లవంగాల పొడి..
దీనికోసం గుప్పెడు లవంగాలను తీసుకొని పొడిలా చేసి, వేపనూనెతో కలిపి ఒక స్ప్రే బాటిల్ లో నింపుకోవాలి. ఎక్కువగా తిరిగే ప్రదేశాలలో స్ప్రే చేయడం వల్ల లవంగాలకు ఉన్న ఘాటు వల్ల బొద్దింకలు పారిపోతాయి.
బేకింగ్ సోడా..
రెండు చెంచాల బేకింగ్ సోడాకి మూడు స్పూన్ల చక్కెరను కలిపి బాగా మిక్సీ పట్టుకోవాలి.ఇందులో తగినన్ని నీరు పోసి బొద్దింకలు తిరిగే ప్రదేశాలలో స్ప్రే చేయాలి.అవి చక్కెర వాసనకు తినడానికి వచ్చి బేకింగ్ సోడాను కూడా తింటాయి.సాధారణంగా బేకింగ్ సోడా తినడం వల్ల బొద్దింకలు నాశనం అవుతాయి.
బే లీవ్స్..
గుప్పెడు బేలీవ్స్ తీసుకొని,మూడు గ్లాసుల నీటిలో వేసి బాగా మరిగించుకోవాలి.ఆ తరువాత బొద్దింకలపై స్ప్రే చేయడం వల్ల ఆ ఘాటు వాసనకి బొద్దింకలు పారిపోతాయి.
ఇవేకాక కిచెన్ ని క్లీన్ గా పెట్టుకోవడం,చెత్తను ఎప్పటికప్పుడు పడేయడం వంటివి చేయడం వల్ల,బోద్దింకలు రాకుండా ఉంటాయి.