തലവേദനായകറ്റാൻ ചില എണ്ണകൾ പരീക്ഷിക്കാം! മ്മർദ്ദം, ഹോർമോണുകൾ, മൈഗ്രെയ്ൻ, രക്താതിമർദ്ദം, തുടങ്ങി മറ്റ് പല ഘടകങ്ങളും തലവേദനയ്ക്ക് കാരണമാകും. എന്നാൽ നിങ്ങളുടെ തലയിലെ ഈ കഠിനമായ വേദന ഒഴിവാക്കാൻ നിങ്ങൾ ആഗ്രഹിക്കുന്നുവെങ്കിൽ, അതിനായി സഹായിക്കുന്ന ചില അവശ്യ എണ്ണകൾ ഇതാ. എന്നിരുന്നാലും, സങ്കീർണതകൾ ഉണ്ടാകാതിരിക്കാൻ, ഈ എണ്ണകൾ മൂലം നിങ്ങൾക്ക് അലർജിയുണ്ടോയെന്ന് പരിശോധിക്കുക. ലാവെൻഡർ അവശ്യ എണ്ണയിൽ നിന്നുള്ള സുഗന്ധം ശ്വസിക്കുന്നത് മൈഗ്രെയ്ൻ ആക്രമണത്തെ നിയന്ത്രിക്കാൻ സഹായിക്കുമെന്ന് ശക്തമായ തെളിവുകൾ ഉണ്ട്. ലാവെൻഡർ എണ്ണ ചർമ്മത്തിൽ പുരട്ടുക മാത്രമാണ് ഇതിനായി നിങ്ങൾ ചെയ്യേണ്ടത്. നിങ്ങൾക്ക് ഇത് ഒരു ഓയിൽ ഡിഫ്യൂസറായി ഉപയോഗിക്കാം, അല്ലെങ്കിൽ നേർപ്പിച്ച എണ്ണ ചൂടുവെള്ളത്തിൽ ചേർത്ത് കുളിച്ചുകൊണ്ട് അതിന്റെ ഗുണങ്ങൾ കൊയ്യാം.

  തലവേദന, തളർന്ന പേശികൾ, ചൊറിച്ചിൽ, സൂര്യതാപം, ദന്ത പ്രശ്നങ്ങൾ എന്നിവയുൾപ്പെടെ നിരവധി പ്രശ്നങ്ങൾ പരിഹരിക്കുവാൻ ഈ എണ്ണ സഹായിക്കും. ഇതിൽ മെന്തോൾ അടങ്ങിയിരിക്കുന്നു, ഇത് പേശികൾക്ക് വിശ്രമമേകുവാനും വേദന കുറയ്ക്കാനും സഹായിക്കുന്നു. നേർപ്പിച്ച കർപ്പൂര തുളസി എണ്ണ പുരട്ടുന്നത് സമ്മർദ്ദം മൂലമുള്ള തലവേദനയിൽ നിന്നും മൈഗ്രെയ്ൻ തലവേദന മൂലമുള്ള വേദനയും ഒഴിവാക്കാൻ സഹായിക്കും. വെളിച്ചെണ്ണ പോലുള്ള കാരിയർ എണ്ണയിൽ ലയിപ്പിച്ച് ഇത് നെറ്റിയിൽ പുരട്ടുക മാത്രമാണ് നിങ്ങൾ ചെയ്യേണ്ടത്. നിങ്ങൾ സൈനസ് തലവേദന മൂലം കഷ്ടപ്പാട് അനുഭവിക്കുകയാണെങ്കിൽ ഇത് ഒരു മികച്ച പരിഹാരമാണ്. ഇത് മൂക്കിലെ ഭാഗങ്ങൾ തുറക്കാനും സൈനസുകൾ നീക്കം ചെയ്യാനും, അതു വഴി ആശ്വാസം പകരുന്നതിനും സഹായിക്കും. ഒരു കാരിയർ ഓയിലിലേക്ക് ഒരു തുള്ളി യൂക്കാലിപ്റ്റസ് ഓയിൽ ചേർത്ത് നെഞ്ചിൽ പുരട്ടുക - ഇത് സൈനസുകൾ നീക്കാനായി സഹായിക്കും.

   കുറച്ച് തുള്ളി എണ്ണ ചൂടുവെള്ളത്തിൽ ചേർത്ത് ആവി പിടിക്കുന്നതും വളരെ നല്ലതാണ്. നൂറുകണക്കിനു വർഷങ്ങളായി നാടോടി മരുന്നുകളിൽ ഉപയോഗിക്കുന്ന റോസ്മേരി ഓയിലിന് വീക്കം തടയുന്ന ആൻറി ഇൻഫ്ലമേറ്ററി സവിശേഷതയും, വേദന ഒഴിവാക്കുന്ന ഗുണങ്ങളും ഉണ്ട്. ഇത് സമ്മർദ്ദം, വേദന എന്നിവ ഒഴിവാക്കുവാനും രക്തചംക്രമണം മെച്ചപ്പെടുത്തുന്നതിനും, അതുവഴി തലവേദന അകറ്റുന്നതിനും സഹായിക്കും. അഡിക്ഷൻ & ഹെൽത്ത് ജേണലിൽ പ്രസിദ്ധീകരിച്ച ഒരു പഠനമനുസരിച്ച്, മറ്റ് മരുന്നുകൾക്കൊപ്പം റോസ്മേരി ഓയിലും ഉപയോഗിക്കുന്നത് തലവേദന ഒഴിവാക്കാൻ സഹായിക്കും എന്നാണ്.

  വെളിച്ചെണ്ണ പോലുള്ള കാരിയർ ഓയിൽ കുറച്ച് തുള്ളി റോസ്മേരി ഓയിലുമായി കലർത്തുക. ശേഷം, വേദന ഒഴിവാക്കാൻ ഈ മിശ്രിതം ഉപയോഗിച്ച് മസാജ് ചെയ്യുക. തലവേദന അകറ്റുന്നതിന് പണ്ടുമുതലേ ഉപയോഗിച്ചു വരുന്ന ഒരു ഔഷധസസ്യമാണ് ചമോമൈൽ. ഈ അവശ്യ എണ്ണ ഉപയോഗിക്കുന്നത് ശരീരത്തിന് വിശ്രമം പകരുവാനും പേശികൾക്ക് ആശ്വാസമേകുവാനും തലവേദന ചികിത്സിക്കുന്നതിനും സഹായിക്കും. തലവേദനയിലേക്ക് നയിക്കുന്ന മറ്റ് രണ്ട് പ്രശ്നങ്ങളായ ഉത്കണ്ഠ, ഉറക്കമില്ലായ്മ എന്നിവ ചികിത്സിക്കാനും ഇത് ഫലപ്രദമാണ്.