బుడుగు: పిల్లలు అందంగా, ఆరోగ్యంగా ఎదగాలంటే ఇవి పెట్టండి..!

N.ANJI
పిల్లలు ఎదిగేటప్పుడు శరీరంలో చాల మార్పులు వస్తుంటాయి. పెరుగుదల కూడా చాల వేగంగా పెరుగుతుంది. మంచి ఆహారం తీసుకోవడం, నిత్యం వ్యాయామాలు చేయడం వల్ల ఎప్పుడూ ఉల్లాసంగా, ఉత్సాహంగా ఉంటారు. పిల్లల పెరుగుదలకు ఇవి అత్యంత ఆవశ్యకమైనవి. పిల్లలు అందంగా, ఆరోగ్యంగా, మానసికంగా ఎదగాలి అంటే వారికి సరియైన పోషకాహారం అందించాలి. పిల్లల పెరుగుదలకు కావలసిన ఆహారపదార్ధాలు ఏమిటో చూద్దామా.
అయితే పాల నుంచి వారికి  మాంసకృత్తులు, విటమిన్లు, మినరల్స్ పుష్కలంగా లభిస్తాయి. పాలలోని క్యాల్షియం, ఫాస్పరస్ మూలకాలు ఎముకలు, దంతాలు, గోళ్లను ఆరోగ్యంగా ఉంచుతాయి. ఎ, బి2, బి12, డి, విటమిన్లు, జింక్ ఎముకలను దృఢంగా మారుస్తాయి. కాబట్టి ప్రతిరోజు రెండుపూటలా పిల్లలకు పాలు తాగడం అలవాటు చేయాలి.
 
చిక్కుళ్లు ఇవి పిల్లల పెరుగుదలకు ముఖ్యపాత్ర వహిస్తాయి. వీటిలో అధిక మెుత్తంలో యాంటీఆక్సిడెంట్లు, మాంసకృత్తులు, పీచు, క్యాల్షియం, ఇనుము, విటమిన్ -బి లభిస్తాయి. ఇక చిక్కుళ్ళలో కొవ్వు శాతం కూడా తక్కువగానే ఉంటుంది. అంతేకాదు శరీరానికి అవసరమైన అత్యవసర పోషకాలు ఎక్కువగా ఉంటాయి. చిక్కుడు, సోయా, రాజ్మా, ఉలవలలో శరీరానికి కావలసిన మంచి పోషకాలు లభిస్తాయి. వీటిని ఎదిగే పిల్లలకు పెట్టడం వలన మంచి ఫలితం ఉంటుంది.
 
ఇక చీజ్ పాల పదార్ధమైన దీన్ని పిల్లలు ఎంతో ఇష్టంగా తింటారు. ఇది పిల్లలకు సులువుగా జీర్ణమవుతుంది. ఇందులో మాంసకృత్తులు, విటమిన్ బి12, ఫాస్పరస్ ఉంటాయి. మాంస తీసుకోలేని వారికి ఇది మంచి ప్రత్యామ్నాయం. గుడ్డు పిల్లల పెరుగుదలలో దీని పాత్ర ప్రత్యేకం. దీనిలో ఎక్కువ మెుత్తంలో ఉండే మాంసకృత్తులు, విటమిన్-బి పోషకాలు మెదడు అభివృద్ధిలో  కీలకపాత్ర పోషిస్తాయి. వీటితో పాటు ఒమెగా-3, ఫ్యాటీయాసిడ్లు, విటమిన్-డి, ఫోలియేట్, జింక్, ఇనుము, సెలీనియం ఉంటాయి. ఇవన్నీ పెరుగుదలకు సహాయపడేవే. కనుక ప్రతిరోజు పిల్లలకు గుడ్డును పెట్టడం వలన మంచి ప్రయోజనాన్ని పొందవచ్చు. 
మరిన్ని ఇంట్రెస్టింగ్ అప్ డేట్స్ కోసం క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

kids nithya new rajma vitamin letter cheese ishtam

సంబంధిత వార్తలు: