బుడుగు : పిల్లలు హాయిగా నిద్రపోవాలంటే ఇలా చేయండి.. !!
రాత్రి వేళ్లలో మీ పిల్లలను నిద్రపోయేలా చెయ్యడం చాలా కష్టమైన పని అని చాలామంది తల్లిదండ్రులు పిల్లల మీద చెప్పే కంప్లైంట్. మీ పిల్లలు నిద్రపుచ్చేందుకు సంబంధించిన సమస్యల నుండి మీరు బాధపడుతున్నట్లయితే, రాత్రి వేళ్లలో మీ పిల్లలను నిద్రపోయేలా చేయడానికి ఇక్కడ సూచించిన సులభమైన చిట్కాలను అనుసరించండి. ఇది నిజంగా మీకు చాలా సహాయకారిగా ఉంటుంది!మీ పిల్లల నిద్ర విషయంలో ఆహారం అనేది చాలా ముఖ్యమైన పాత్రను పోషిస్తుంది. నిద్ర సమస్యలను కలిగి ఉన్న పిల్లలకు రాత్రివేళల్లో ఎక్కువ ఆహారాన్ని పెట్టకూడదు. పిల్లలు రాత్రి సమయంలో బాగా నిద్రపోవాలి అనుకుంటే, మీ పిల్లలు నిద్రపోయే ముందు "కెఫిన్" ను కలిగివున్న ఆహార పదార్థాలను తినకుండా నిరోధించడం అనేది ఉత్తమమైన చిట్కాలలో ఒకటి.
ఎప్పుడూ ఒకే సమయంలో నిద్రించడం వల్ల, పిల్లల్లో ఒక స్థిరమైన సమయానికి నిద్రపోయే అలవాటును అభివృద్ధి చెందేందుకు సహాయపడుతుంది. ఈ అలవాటు మీ పిల్లలు ఎదుగుదలలో ఉన్నప్పటికీ కూడా గొప్పగా నిద్రించడానికి సహాయపడుతుంది.మంచం ఎక్కే ముందు అసాధారణమైన పనులను చేసే అలవాటును మీ పిల్లల్లో పెంపొందించవద్దు. దానికి బదులుగా, పిల్లల మనసుకు శాంతిని చేకూర్చేలా ఉండే, శాంతియుతమైన వాతావరణంలో నిద్రపోయేలా వారికి సహాయపడండి. ప్రారంభ దశల్లో, మీ పిల్లలకు నిద్రపట్టడానికి మీరు లాలిపాటలను పాడే ఉంటారు. మీ పిల్లలు శారీరకంగా మరియు మానసికంగానూ చాలా సున్నితమైన వారిగా ఉంటారు. కాబట్టి, మీరు పిల్లల శరీరానికి సౌకర్యవంతమైన ఒక మంచమును ఏర్పాటు చెయ్యవలసిన అవసరం ఎంతైనా వుంది.
సంప్రదాయబద్ధంగా మీ పిల్లలు నిద్రించేందుకు అవసరమయ్యే "టెడ్డిబేర్" వంటి బొమ్మలను అనుమతించాలి. ఇది మంచి నిద్రావస్థను పొందటానికి మరియు మీ తోడు లేకపోయినా ఒంటరిగా పడుకోవడానికి సహాయపడుతుంది.దాదాపు పిల్లలందరూ నిద్రలో తమ తల్లిదండ్రులని కూడా చూసే అలవాటును కలిగివుంటారు.మీ పిల్లలు రాత్రిపూట సౌకర్యవంతంగా గదిలో నిద్రపోయేటప్పుడు, ఆ గది యొక్క ఉష్ణోగ్రతను చల్లగా లేదా వెచ్చగా మార్చడానికి ప్రయత్నించవద్దు, ఎందుకంటే అది మీ పిల్లల నిద్రకు భంగం కలిగించవచ్చు. సాధారణ ఉష్ణోగ్రత వద్ద మీ పిల్లలను నిద్రపోయేటట్లుగా చేసే ఉత్తమ మార్గాలలో ఒకటని భావించండి. మీ పిల్లలు ప్రతిరోజూ నిర్ధేశించిన సమయానికి నిద్ర చేయగలిగితే బహుమతులను ఇవ్వండి.అంతేకాని నిద్రపోకపోతే తిట్టడం మరియు కొట్టడం వంటివి చేయకండి. మీ పిల్లలకు రోజువారీగా మంచి నిద్ర అనేది చాలా అవసరం, లేకపోతే పెరుగుదలలో చాలా రకాల సమస్యలకు కారణం కావచ్చు