ఆ పాత్రల్లో దొరికిన నల్లమందు అవశేషాలు
రష్యా దేశంలో ఉన్న సిధియాన్ శ్మశాన వాటికలో తవ్వకాలు జరిపిన సందర్భంలో సుమారు 2,400 ఏళ్ల కిందట గంజాయి, నల్లమందు వంటి మత్తు పదార్థాలను సేవించేందుకు వాడిన పాత్రలు బయటపడ్డాయి. అవి ఏవో మట్టి , రాగి పాత్రలు కావు బంగారం తో చేసిన పాత్రలు కావడం విశేషం. పూర్వం గిరిజన ఉత్సవాలు సందర్భంగా ఈ బంగారు పాత్రలలోనే మత్తుపదార్థాలు సేవించి ఉంటారని ఆ దేశ ఆర్కియాలజిస్టులు పేర్కొన్నారు.
సింధియాన్ ప్రజలు యుద్ధవిద్యాల్లో మంచి నైపుణ్యాలను కలిగి ఉండటం చేత వీరు అనేక యుద్ధాలు చేసి విజయం సాధించారు. యుద్ధ సమయంలో విజయాలు సాధించిన ప్రతీకగా వారు పలు ఘనమైన వేడుకలు చేసుకునే వారు. ఆ వేడుకల సమయంలోనే మత్తుపదార్థాలు స్వీకరించేవారు అంట లేదా యుద్ధాలకు ముందు తమను తాము ఉత్తేజితుల్ని చేసుకోవడం కోసం కూడా సేవించేవారు అని చరిత్రకారులు అభిప్రాయపడ్డారు.
మత్తుపదార్థాలు స్వీకరించేందుకు వారు ఈ బంగారు పాత్రలను ఉపయోగించే వారు అని అక్కడ తవ్వకాలు జరిపిన ఆర్కియాలజిస్టులు మరియు వీటిని పరిశీలించిన జర్మనీ రాజధాని బెర్లిన్ కేంద్రంగా పనిచేస్తున్న ప్రష్యన్ చారిత్రక మరియు సాంస్కృతిక సంస్థలో పనిచేస్తున్న ఎంటన్ గాస్ అనే ఆర్కియాలజిస్టు పేర్కొన్నారు.