నిద్రలో ఉండే ఈ మూడు దశలు తెలుసా.. అందరూ తప్పక తెలుసుకోండి?
మన జీవితంలో నిద్ర అనేది ఒక ముఖ్యమైన భాగం. మన శరీరం, మనసు ఆరోగ్యంగా ఉండాలంటే నిద్ర చాలా అవసరం. నిద్రలోకి జరుగుతున్న ప్రయాణాన్ని రెండు ప్రధాన భాగాలుగా విభజించవచ్చు. ఒకటి REM నిద్ర, మరొకటి NREM నిద్ర. ఈ NREM నిద్రలో మూడు చిన్న చిన్న దశలు ఉంటాయి. వాటిని N1, N2, N3 అని అంటారు. మనం నిద్రలోకి ప్రవేశించే ప్రారంభ దశ N1. ఇది ఒక చాలా తేలికైన నిద్ర. ఈ దశలో మనల్ని చాలా సులభంగా మేల్కొలపవచ్చు. ఈ దశలో మన శరీరం సడలడం ప్రారంభిస్తుంది, మన మెదడు కూడా నెమ్మదిగా పనిచేయడం మొదలుపెడుతుంది. ఈ దశ కొన్ని నిమిషాల పాటు ఉంటుంది.
ఇక N2 అనేది మన నిద్రలోకి మరింత లోతుగా వెళ్లే దశ. ఈ దశలో హృదయ స్పందన నెమ్మదిగా మారుతుంది. శరీర ఉష్ణోగ్రత కూడా కొద్దిగా తగ్గుతుంది. ఇది శరీరానికి చాలా అవసరమైన విశ్రాంతిని ఇస్తుంది. మనం ఒక రోజంతా చేసిన పనుల వల్ల కలిగిన అలసటను ఈ దశలో మన శరీరం తొలగిస్తుంది. ఈ దశ సుమారు 20 నిమిషాలు ఉంటుంది. మనం నిద్రపోయే మొత్తం సమయంలో ఎక్కువ భాగం ఈ దశలోనే గడుస్తుంది.
ఇకపోతే N3 నిద్రను గాఢ నిద్ర అని అంటారు. ఈ దశలో మన శరీరం చాలా ప్రశాంతంగా ఉంటుంది. ఈ దశలో మనల్ని మేల్కొలపడం చాలా కష్టం. గాఢ నిద్ర మన శరీరానికి చాలా ముఖ్యం. ఎందుకంటే ఈ దశలోనే మన శరీరం తనను తాను రిపేర్ చేసుకుంటుంది. మన రోగ నిరోధక శక్తి కూడా ఈ దశలో బలపడుతుంది. మనం N3 దశలో ఎక్కువ సేపు ఉంటే మనకు అలసట అనిపించదు. బదులుగా మనం ఉదయం లేచినప్పుడు చాలా ఉత్సాహంగా ఉంటాం. ఈ రోజుల్లో చాలామంది గాఢంగా నిద్రపోవడం లేదు చెడు అలవాట్ల బారిన పడి నిద్ర నువ్వు శాక్రిఫై చేస్తున్నారు. అలా చేస్తే భవిష్యత్తులో అనేకమైన ప్రాణాంతక రోగాలు వచ్చే అవకాశం ఉంది.