ఫ్రిజ్ తో పనిలేకుండా కూరగాయలు తాజాగా ఉండాలంటే..?
కొన్ని సార్లు కూరగాయలు ఫ్రిజ్లో పెట్టినా కూడా అవి పాడవుతుంటాయి. కానీ ఇప్పుడు తెలిపే కొన్ని చిట్కాలను పాటిస్తే చాలు.. ఫ్రిజ్ అవసరం లేకుండానే కూరగాయలను మనం ఎల్లప్పుడూ తాజాగా ఉండేలా నిల్వ చేసుకోవచ్చు. అందుకు ఏం చేయాలో ఇప్పుడు మనం తెలుసుకుందాం.దోసకాయలు, ఆలుగడ్డలు, చిలగడదుంపలు, చామదుంపలు, ముల్లంగి ఇంకా బీట్ రూట్ లాంటి వాటిని ఫ్రిజ్లో పెట్టాల్సిన పనిలేదు. అవి బయటే చాలా ఎక్కువ రోజుల పాటు నిల్వ ఉంటాయి.ఫ్రిజ్లో పెడితే తేమ వల్ల అవి త్వరగా పాడయ్యేందుకు అవకాశాలు ఉంటాయి.కాబట్టి పొడిగా ఉండే చోట వీటిని పెడితే చాలా రోజుల దాకా తాజాగా నిల్వ ఉంటాయి. ఇంకా అలాగే కరివేపాకును తడి లేకుండా గాలి చొరబడని సీసాలో పెడితే చాలా రోజుల దాకా నిల్వ ఉంటుంది. సీసాలో ముప్పావు భాగం నీళ్లు ఉండేలా నింపి క్యాబేజీని దాని మీద పెడితే అది తాజాగా ఉంటుంది.అయితే అది నీళ్లలో మునగకుండా చూడాలి.ఇంకా దొండకాయలు పచ్చిగా ఉంటే ఫ్రిజ్లో పెట్టాల్సిన పనిలేదు.
పొడిగా ఉండే చోట పెడితే ఎన్ని రోజుల పాటు అయినా సరే అవి నిల్వ ఉంటాయి. కానీ వీటిని పండ్ల వద్ద అస్సలు ఉంచరాదు. అలా పెడితే అవి త్వరగా పండి పాడవుతాయి. టమాటాలు కాస్త దోరగా ఉన్నవి తీసుకుంటే ఎప్పటికప్పుడు అవి పండుతుంటాయి. అందువల్ల ఇవి ఎక్కువ రోజుల పాటు ఉంటాయి. వాటిని ఫ్రిజ్లో పెట్టాల్సిన అవసరం ఉండదు.ఇక పాత్రలో నీళ్లు పోసి కొత్తిమీర కాడలను అందులో ఉంచాలి. అందువల్ల కొత్తిమీర తాజాగా ఉంటుంది. ఇంకా అలాగే క్యారెట్లను అల్యూమినియం ఫాయిల్తో చుట్టి పైన కింద తెరిచి ఉంచితే నిల్వ ఉంటాయి.కూరగాయలను కొనుగోలు చేసేటప్పుడు ఎండినట్లు ఇంకా వాడినట్లు ఉన్నవాటిని తీసుకోకూడదు. ఇవి చాలా త్వరగా పాడవుతాయి. అందుకే తాజాగా ఉన్నవే కొనాలి. ఇక ఇంట్లో కూరగాయలను శుభ్రంగా ఉన్న చోట పొడి ప్రదేశంలో ఉంచాలి. అక్కడ ఎండ అస్సలు తగలకూడదు. ఇంకా అలాగే ఏ కూరగాయకు దాన్నే విడిగా వేరే వేరే కవర్లలో ఉంచాలి. ఇలా ఈ టిప్స్ పాటించడం వల్ల కూరగాయలు ఎక్కువ రోజుల పాటు నిల్వ ఉంటాయి.ఇంకా తాజాగా ఉంటాయి.