బంగాళాదుంప ఇలా తింటున్నారా? అయితే జాగ్రత్త?
బంగాళాదుంప కూరని ఇష్టపడని వారు ఉండరనే చెప్పవచ్చు. పిల్లుల, పెద్దలు అందరూ కూడా ఈ కూరను చాలా ఇష్టంగా తింటారు.వీటితో మనం మసాలా కూరలు, ఫ్రై, చిప్స్, ఫ్రెంచ్ ఫ్రైస్ ఇలా రకరకాల చిరుతిళ్లను తయారు చేసుకుని తింటూ ఉంటాము. అయితే బంగాళాదుంపను ఈ విధంగా చేసుకొని తీసుకోవడం వల్ల మన ఆరోగ్యానికి హాని కలుగుతుందని నిపుణులు సూచిస్తున్నారు. 100 గ్రాముల బంగాళాదుంపలల్లో ఏకంగా 97 కిలో క్యాలరీల శక్తి ఉంటుంది. వీటిని నూనెలో వేయించి తీసుకోవడం వల్ల క్యాలరీలు బాగా పెరిగే అవకాశం ఉంది. అందువల్ల మనం బరువు ఎక్కువగా పెరుగుతాము.ఇంకా అలాగే బంగాళాదుంపలను తీసుకోవడం వల్ల మనకు ఆకలి తక్కువగా వేస్తుంది. ఈ బంగాళాదుంపల్లో పొటాటో ప్రోటినేజ్ ఇన్ హిబిటర్ 2 అనే రసాయన సమ్మేళనం ఉంటుంది. ఇది ప్రేగు మొదటి భాగంలో కొన్ని రకాల మార్పులను తీసుకు వచ్చి మనకు సరిగ్గా ఆకలి వేయకుండా చేస్తుంది. అయితే బంగాళాదుంపలను కూరగా వండుకున్నప్పుడు ఈ రసాయన సమ్మేళనం కొంత మేర చనిపోతుంది.
అదే నూనెలో ఫ్రై చేసి తీసుకున్నప్పుడు ఈ రసాయన సమ్మేళనం అనేది పూర్తిగా నశిస్తుంది. అందువల్ల మనకు ఆకలి త్వరగా వేస్తుంది. కాబట్టి బంగాళాదుంప చిప్స్ , ఫ్రైను తిన్నప్పుడు ఆకలి తీరక వీటిని ఇంకా ఎక్కువగా తింటూ ఉంటాము.అందువల్ల బరువు పెరగడంతో పాటు రక్తంలో చక్కెర స్థాయిలు కూడా ఈజీగా పెరుగుతాయి. కాబట్టి ఈ బంగాళాదుంపలను కూరగానే ఎక్కువగా తీసుకోవాలి. అధిక బరువు, ఫ్యాటీ లివర్, షుగర్ ఇంకా శరీరంలో కొవ్వు పేరుకుపోయిన వారు వీటిని తక్కువ మొత్తంలో తీసుకోవాలి. అది కూడా కేవలం కూరగానే తీసుకోవాలి. బంగాళాదుంపలు కూడా ఇతర కూరగాయల వలె మన ఆరోగ్యానికి చాలా మేలు చేస్తాయి. అయితే వీటిని ఆహారంగా తీసుకునే విషయంలో మనం చేసే తప్పుల వల్ల బంగాళాదుంపలు మనకు బాగా హానిని కలిగించేవిగా మారతాయి. కాబట్టి బంగాళాదుంపలను కూరగానే వండుకుని తినాలి. అది కూడా తక్కువ మోతాదులో మాత్రమే తీసుకోవాలని ఆరోగ్య నిపుణులు సూచిస్తున్నారు.