సహజంగా చాక్లెట్స్ను పిల్లలు మరియు పెద్దలు కూడా చాలా మంది ఇష్టపడతారు. నిజానికి స్నేహితులైనా, ప్రేమికులైనా, ఆత్మీయులైనా, అధికారులైనా, శుభాకాంక్షలు చెప్పాలన్నా, అభినందనలు తెలపాలన్నా, స్వాగతిస్తున్నా, వీడిపోతున్నా, ఇచ్చిపుచ్చుకునే కానుక చాక్లెట్ అని చెప్పొచ్చు. ఇవన్నీ పక్కన పెడితే చాక్లెట్ తినడం వల్ల ఎన్నో లాభాలు ఉన్నాయని నిపుణులు చెబుతున్నారు.
వేల ఏళ్ళ చరిత్ర గల చాక్లెట్ మానసిక, శారీరక ఆరోగ్యానికి ఎంతగానో దోహదం చేస్తుంది. తాజాగా డార్క్ చాక్లెట్ వల్ల అనేక ఆరోగ్యప్రయోజనాలున్నాయని కనుగొనబడింది. వీటిలో చక్కెర అధికంగా వాడే సాధారణ చాక్లెట్ల కంటే 60- 70 శాతం కోకోతో తయారైన నల్లని, కొద్దిగా చేదుగా, కోకో వాసనతో ఉండే డార్క్ చాక్లెట్లు ఆరోగ్యానికి ఎక్కువగా మేలుచేస్తాయి.
- ఆరోగ్యం మెరుగుపరచడానికి మరియు గుండె సంబంధిత వ్యాధులను ప్రమాదం నుండి తగ్గించడానికి సహాయపడుతుంది.
- మరియు కొన్ని పరిశోధనల్లో గర్భిణీలు చాక్లెట్స్ తింటే తల్లి బిడ్డకు మంచిదని అంటున్నారు. చాక్లెట్స్ తినడం వల్ల యాంటీఆక్సిడెంట్స్ మరియు న్యూట్రీషియన్స్ ను పుష్కలంగా పొందుతారు. అదే విధంగా పరిమితికి మించి తీసుకోకూడదు.
- డార్క్ చాక్లెట్స్ తినేవారు మెదడు, గుండెకు రక్త ప్రసరణ పెంచుతుంది. కనుక ఇది మెదడు పనితీరును మెరుగుపరచడానికి సహాయపడుతుంది.
- డార్క్ చాక్లెట్లను తింటే లోబీపీ దరిజేరదు. జీర్ణనాళాన్ని దెబ్బతీసే ఫ్రీ రాడికల్స్ నశించి జీర్ణకోశ వ్యాధుల ముప్పు కూడా గణనీయంగా తగ్గుతుంది.
- అలాగే డార్క్ చాక్లెట్ మీ రక్తనాళాలు ఆరోగ్యంగా ఉంచేందుకు సహాయపడుతుంది మరియు మీ ప్రసరణకు హానికలగకుండా రకం 2 మధుమేహం వ్యతిరేకంగా పోరాడి రక్షణ కల్పిస్తుంది.
- డార్కె చాక్లెట్ వంటివి తినడం వల్ల అనేక రకాల క్యాన్సర్స్ నుండి రక్షణ కల్పించవచ్చు మరియు వృద్ధాప్య ఛాయలను తగ్గించుకోవచ్చు.
- చాక్లెట్స్ తినడం వల్ల చర్మ సౌందర్యానికి కూడా ఉపయోగపడుతుంది. మెరిసే, మృదువైన చర్మం కొసం చాక్లెట్స్ తింటే బాగా సహాయపడుతుంది.