SSC : ఎగ్జామ్ క్యాలెండర్ విడుదల.. ఏ పరీక్ష ఎప్పుడంటే..?
ఎస్ఎస్సీ పరీక్షల క్యాలెండర్ 2021-22 కొన్ని ఫెండింగ్లో ఉన్న 2021 పరీక్షలు.. రాబోయే 2022 పరీక్షల తేదీలను వెల్లడించింది. ముఖ్యంగా SSC CGL టైర్ I పరీక్ష నమోదు ప్రక్రియ డిసెంబర్ 23 నుండి ప్రారంభమవుతుంది. సీహెచ్ఎస్ఎల్ టైర్ 1 పరీక్ష కోసం రిజిస్ట్రేషన్ ఫిబ్రవరి 01, 2022 నుంచి మొదలవుతుంది. అన్నీ పరీక్షల తేదీలు 2022-23 కు సంబంధించిన ఈ తేదీలు తాత్కాలికమైనవని, ఎప్పుడైనా మారొచ్చని అభ్యర్థులు గమనించాలి. ఇందులో ఏవైనా మార్పులు చేర్పులు జరిగితే ఎస్ఎస్సీ అందరికీ తెలియజేస్తూ అధికారికనోటిఫికేషన్ జారీ చేస్తుంటుంది.
ఈ పరీక్ష నోటిఫికేషన్ను డిసెంబర్ 23,2021న విడుదల చేసి.. దరఖాస్తుల ప్రక్రియ జనవరి 23 వరకు కొనసాగుతుంది. ఆ తరువాత పరీక్ష ఏప్రిల్ 2022లో నిర్వహిస్తారు. అదేవిధంగా ఎస్ఎస్సీ సీహెచ్ఎస్ఎల్ 10+2 పరీక్షకు సంబంధించిన నోటిఫికేషన్ ఫిబ్రవరి 01, 2022న విడుదల కానుంది. దానికి మార్చి 07 2022 నుంచి దరఖాస్తులు చేసుకోవచ్చని.. పరీక్ష మే 2022లో నిర్వహించనున్నారు. ఎస్ఎస్సీ ఎంటీఎస్ రిక్రూట్మెంట్ పరీక్ష నోటిఫికేషన్ మార్చి 22, 2022 విడుదల చేసి.. ఏప్రిల్ 30, 2022 వరకు దరఖాస్తుల ప్రక్రియ కొనసాగుతుంది. ఇక ఎంటీఎస్ (నాన్ టెక్నికల్) రిక్రూట్మెంట్ పరీక్ష జూన్ 2022లో జరుగుతుంది.
ఇక SSC ఎంపిక పోస్టులు10వ దశ రిక్రూట్మెంట్ నోటిఫికేషన్ 10 మే 2022న విడుదలవ్వనుంది. దరఖాస్తులు 9 జూన్ 2022 వరకు తీసుకుని.. పరీక్ష జూలై 2022లో నిర్వహిస్తారు. ఢిల్లీ పోలీస్ హెడ్ కానిస్టేబుల్ మినిస్టీరియల్ రిక్రూట్మెంట్ పరీక్ష నోటిఫికేషన్ 17 మే 2022న జారీ చేసి.. పరీక్ష సెప్టెంబర్ 2022లో జరుగనున్నది. ఢిల్లీ పోలీస్ కానిస్టేబుల్ (డ్రైవర్) రిక్రూట్మెంట్ పరీక్ష నోటిఫికేషన్ 27 జూన్ 2022న నోటిఫికేషన్ విడుల చేస్తారు. అదేవిధంగా ఆ పరీక్షను అక్టోబర్ 2022లో జరుపనున్నారు.