ట్రోల్ వర్డ్ : తెలంగాణ పోలీస్
అన్యాయం నిలువరిస్తే
నిలువెత్తు పూలతో సత్కరిస్తాం
నిజాయితీకి కేరాఫ్ అయితే
సంతోషించే పాదాభివందనం చేస్తాం
ఆపదలో కాపాడితే దేవుడు అని
దండం పెడతాం దండలు వేస్తాం
కానీ ఆ పోలీసు చీకటి సామ్రాజ్యానికి
సహకరించాడన్నది ప్రధాన ఆరోపణ
ఇప్పుడేం చేద్దాం.. రాఘవకు
సహకరించిన పోలీసులు ఎవ్వరు?
సజ్జనార్ తేల్చాలి వీలుంటే..
వీలయితే.. లేదా స్టీవెన్ రవీంద్ర తేల్చాలి
రాజకీయ నీడలు దాటి ఇలాంటి సిన్సియర్స్
సీనియర్స్ పనిచేస్తే దర్యాప్తు బృందాలకు
నేతృత్వం వహిస్తే మంచి ఫలితాలు వస్తాయి
అప్పుడు హరీశ్ రావు, తారక రామారావు
దూరకుండా ఉంటే చాలు
కేసీఆర్ ఆ స్వేచ్ఛ ఇస్తారా ?
కేసుకు గ్రహణం పట్టిస్తారా?
నాలుగో సింహం అంటే గౌరవం మరియు ఇష్టం కూడా! ఇష్టం ఎలా అంటే రాత్రనక పగలక జనారణ్యంలో నిందితుల వేట సాగించి, కర్తవ్య దీక్షను క్రమం తప్పక పాటిస్తారు కనుక! గౌరవం ఏంటంటే కంటి మీద కునుకు లేకుండా ఉన్నా సంయమనంతో కొన్ని సమస్యలు
ఏం చేస్తున్నారు అంతమంది.. ఏం చేస్తున్నారు పోలీసులు అంత మంది ఉండి కూడా! ఉండి కూడా అంటే ఉన్నా లేని విధం ఒకటి ఉంది కనుక! ఒక రాక్షసుడి అకృత్యంలో భాగం పంచుకున్న పోలీసులు ఎందరు అని అడుగుతున్నారు విపక్ష సభ్యులు.బీజేపీ పట్టుబడితే బాగుంటుంది వనమా (ఎమ్మెల్యే వేంకటేశ్వరరావు) అరెస్టుకు..కానీ ఎందుకనో కొడుకు చుట్టూ రాజకీయం నడుపుతోంది.ఇంతకాలం పోలీసులు అంటే చాలా మంచివారు..నిజాయితీ పరులు..అక్రమాలకు కొమ్ముకాయరు.. వెన్ను చూపరు అంటూ చాలా విన్నామే కానీ అవన్నీ అబద్ధాలే అని తేలిపోయింది. ఏళ్లకు ఏళ్లు చీకటి రాజకీయం నడుపుతున్న వనమా రాఘవ పై ఎందుకు చర్యలు లేవు? నాలుగో సింహం నిద్రపోతుందని నిర్థారించిన విపక్ష సభ్యులు ఇప్పుడేం మాట్లాడతారో ఇకపై ఏం మాట్లాడతారో అన్నది ఓ ముఖ్య విషయం కానుంది.
- రత్నకిశోర్ శంభుమహంతి
శ్రీకాకుళం దారుల నుంచి