అయ్యబాబోయ్.. మొబైల్ టవర్ నే ఎత్తుకెళ్లారు?
మరి కొంతమంది ఇంకాస్త వినూత్నమైన రీతిలో ఇలా చోరీలకు పాల్పడుతూ ఇక అందరిని అవాక్కేలా చేస్తూ ఉంటారు. అయితే ఇటీవల కాలంలో టెక్నాలజీని బాగా వినియోగించుకుంటున్న దొంగలు ఇక పోలీసులకు సైతం ఎక్కడ చిన్న క్లూ కూడా దొరకకుండా చోరీలకు పాల్పడుతున్న ఘటనలు నేటి రోజుల్లో చూస్తూ ఉన్నాం. అయితే ఇప్పుడు వరకు చిన్న చిన్న వస్తువులు కార్లు వాహనాలు దోచుకు వెళ్లడం చూసాము. కానీ ఏకంగా సెల్ఫోన్ టవర్ ఎత్తుకెళ్లడం గురించి ఎప్పుడైనా విన్నారా.. సెల్ఫోన్ టవర్ ఎత్తుకెళ్లడమేంటి అంత పెద్ద టవర్ ను ఎలా చోరీ చేస్తారు. అసాధ్యం అంటారు ఎవరైనా..
ఇటీవల ఉత్తర ప్రదేశ్ లో మాత్రం ఇలాంటి ఒక విచిత్రమైన దొంగతనం జరిగింది. కాశంబి జిల్లాలోని ఉజ్జయిని గ్రామంలో 10 టన్నుల బరువున్న 50 మీటర్ల ఎత్తైన మొబైల్ టవర్ ను దుండగులు ఎత్తుకు వెళ్లారు. మార్చి 31వ తేదీ నుంచి టవర్ కనిపించడం లేదని ఇటీవలే సాంకేతిక నిపుణులు పోలీసులకు ఫిర్యాదు చేయడంతో ఈ విషయం వెలుగులోకి వచ్చింది. అయితే టవర్ మాత్రమే కాదు టవర్ తో పాటు 8.5 లక్షల విలువైన షెల్టర్ ఇతర పరికరాలు కూడా మాయమైనట్లు ఫిర్యాదులో పేర్కొన్నారు సాంకేతిక నిపుణులు. ఈ ఘటన స్థానికంగా సంచలనంగా మారిపోయింది.