మహిళ ఎస్సై పై అత్యాచారం.. నిందితుడు ఎవరో తెలుసా?
సాధారణ ఆడపిల్లలు లైంగిక వేధింపులకు గురైతే రక్షించే పోలీస్ అధికారిని పైనే చివరికి అత్యాచారం జరిగిన ఘటన అందరినీ అవాక్కయ్యేలా చేసింది అని చెప్పాలి. ఈ ఘటన ఎక్కడో కాదు హైదరాబాద్ నగరంలో వెలుగులోకి వచ్చింది. ఆర్టిఏ హోంగార్డు నీచ బుద్ధితో ఏకంగా సహోద్యోగికి మత్తు మందు కలిపిన జ్యూస్ తాగించాడు. చివరికి అత్యాచారానికి పాల్పడ్డాడు. అంతేకాదు వీడియో కూడా చిత్రీకరించి ఈ వీడియో ని అడ్డం పెట్టుకుని బ్లాక్ మెయిల్ చేయడం మొదలుపెట్టాడు. రవాణా శాఖ లో సబ్ ఇన్స్పెక్టర్ గా పని చేస్తున్న s ఉద్యోగుని పై అత్యాచారానికి పాల్పడ్డాడు.
అయితే నాలుగేళ్ల క్రితమే ఇలా సదరు మహిళా అధికారి పై అత్యాచారానికి పాల్పడినట్లు తెలుస్తోంది. వీడియో ని చూపిస్తూ బెదిరింపులు పాల్పడుతూ ఇన్ని రోజుల వరకూ తన కీచక పర్వాన్ని కొనసాగిస్తూ వచ్చాడు. కానీ ఇటీవల ధైర్యం తెచ్చుకున్నా మహిళా అధికారిని హోంగార్డు తనను లైంగికంగా వేధిస్తున్నాడంటూ జూబ్లీ హిల్స్ పోలీస్ స్టేషన్ లో ఫిర్యాదు చేయడంతో అసలు విషయం వెలుగులోకి వచ్చింది. ఈ ఘటన సంచలనం గా మారిపోయింది. ఆ హోంగార్డు పేరు స్వామి ఖమ్మం ఆర్టీఏ లో పని చేస్తున్నాడు. ఇక అదే డిపార్ట్మెంట్ లో పనిచేస్తున్న సహోద్యోగినిపై స్వామి అత్యాచారం చేయడం గమనార్హం. నిందితుడిని అదుపులోకి తీసుకున్నారు పోలీసులు.