SBI : వావ్! కస్టమర్లకు మరో కొత్త సర్వీస్?
స్టేట్ బ్యాంక్ ఆఫ్ ఇండియా (SBI) అంటే బ్యాంకింగ్ రంగంలో పరిచయం అక్కర్లేని పేరు. ఇది భారతదేశంలో అతిపెద్ద ప్రభుత్వ రంగ బ్యాంకింగ్ సంస్థ. దేశంలోని గ్రామగ్రామాలకు కూడా విస్తరించిన బ్యాంకింగ్ నెట్వర్క్ ఇది.దేశవ్యాప్తంగా కూడా మొత్తం 45 కోట్లకు పైగా కస్టమర్లు ఉంటారని అంచనా. తమ కస్టమర్లకు బ్యాంకింగ్ సేవల్ని మరింత దగ్గర చేసేందుకు ఎస్బీఐ మరిన్ని చర్యలు తీసుకోబోతోంది.ఇక ఎస్బీఐ త్వరలో వాట్సప్ (WhatsApp) ద్వారా బ్యాంకింగ్ సేవల్ని అందించబోతోంది. ఎస్బీఐ వాట్సప్ బ్యాంకింగ్ (SBI whatsapp Banking) అనేది త్వరలోనే ప్రారంభం కాబోతోంది.ఇక ఈ విషయాన్ని ఎస్బీఐ ఛైర్మెన్ దినేష్ ఖారా తెలిపారు. అదే కనుక జరిగితే ఎస్బీఐ కస్టమర్లు చాలావరకు బ్యాంకు సేవల్ని వాట్సప్ ద్వారా పొందొచ్చు.ఇక ఇప్పటికే పలు బ్యాంకులు వాట్సప్ ద్వారా బ్యాంకింగ్ సేవల్ని అందిస్తున్న సంగతి తెలిసిందే. హెచ్డీఎఫ్సీ బ్యాంక్, యెస్ బ్యాంక్, ఐసీఐసీఐ బ్యాంక్, ఇండస్ఇండ్ బ్యాంక్, బ్యాంక్ ఆఫ్ మహారాష్ట్ర, యాక్సిస్ బ్యాంక్ ఇంకా అలాగే ఐడీఎఫ్సీ ఫస్ట్ బ్యాంకులు వాట్సప్ ద్వారా బ్యాకింగ్ సేవల్ని అందిస్తున్నాయి.
ప్రైవేట్ బ్యాంకులన్నీ కూడా దాదాపుగా వాట్సప్ బ్యాంకింగ్ సర్వీసెస్ అందిస్తున్నాయి. ఈ విషయంలో దేశంలోనే అతిపెద్ద ప్రభుత్వ రంగ బ్యాంకైన ఎస్బీఐ అనేది కాస్త వెనుకబడింది. మొత్తానికి ఎస్బీఐ వాట్సప్ బ్యాంకింగ్ సర్వీసులు ఇక త్వరలో ప్రారంభం కాబోతున్నాయి.కార్పొరేట్ క్లైంట్లు ఇంకా అగ్రిగేటర్లకు ఏపీఐ లాంఛ్ చేయబోతున్నట్టు ఎస్బీఐ ప్రకటించింది. ఏపీఐ బ్యాంకింగ్ సిస్టమ్ లాంఛైతే బ్యాంకుకు ఇంకా క్లైంట్ సర్వర్లకు మధ్య కమ్యూనికేషన్ సులువవుతుంది. రెండు వ్యవస్థల మధ్య డేటా ట్రాన్స్ఫర్ కూడా ఈజీగా సాగుతుంది. కస్టమర్లకు ఇబ్బందులు లేని ఇంకా సురక్షితమైన సేవలు లభిస్తాయి. అలాగే పలు బ్యాంకింగ్ లావాదేవీలు జరిపేందుకు మెసేజింగ్ ప్లాట్ఫామ్ అయిన వాట్సప్ సేవల్ని ఉపయోగించుకోనుంది ఎస్బీఐ. అయితే ఎస్బీఐ వాట్సప్ బ్యాంకింగ్ సిస్టమ్ ద్వారా ఎలాంటి సేవలు లభిస్తాయన్న విషయం ప్రస్తుతానికి అయితే తెలియదు.