వాట్సాప్ వినియోగదారులకు హెచ్చరిక..?
వాట్సాప్ మోడ్ అయిన FMWhatsappలో ఒక ట్రోజన్ మాల్వేర్ దాగి ఉందని ఈ నివేదికలో బయట పడింది. ఈ మాల్వేర్ మీ డివైజ్లలో సేవ్ చేసిన పేమెంట్ మెథడ్స్ ద్వారా కొన్ని సేవలను సబ్స్క్రైబ్ చేసుకోవాలని వినియోగదారులను బలవంతం చేస్తుంది. ఒకవేళ మీరు కనుక అలా చేస్తే మీ ఫోన్ లోని మెసేజ్లు, డేటా,ఓటీపీలు అన్ని కూడా హ్యాక్ అయ్యే ప్రమాదం ఉంది. అసలు FMWhatsapp అంటే ఏంటంటే ఇది ఒక వాట్సాప్ క్లోనింగ్ యాప్.ఆదాయం పెంచుకునే దిశగా ఈ యాప్ ప్రకటనలను అందిస్తుంది.
ఇప్పుడు ఈ యాప్ లో ట్రయాడా ట్రోజన్ (Triada trojan) అనే మాల్వేర్ ఉందని కాస్పెర్స్కీ రిపోర్టు తెలిపింది. ఈ ట్రయాడా ట్రోజన్ అనే మాల్వేర్ అవసరం లేని అదనపు ట్రోజన్లను డౌన్లోడ్ చేసుకునెల యూజర్లను ప్రేరేపిస్తుంది. మనం ఎప్పుడయితే ఈ యాప్ ను మన ఫోన్లో ఉంచుకుంటామో అవి సైలెంట్ గా వాటి పని అవి చేస్తూ ఉంటాయి. మీకు తెలియకుండానే పేమెంట్ సేవలను సబ్స్క్రైబ్ చేస్తాయి. అందువల్ల FMWhatsapp అనే వాట్సాప్ మోడ్ యాప్ను యూజర్లు ఉపయోగించవద్దని కాస్పెర్స్కీ సంస్థ సూచిస్తోంది. అలాగే వినియోగదారులు గూగుల్ ప్లే స్టోర్, యాపిల్ యాప్ స్టోర్ వంటి ప్లాట్ఫాంలలో ఉన్నా యాప్స్ ను మాత్రమే డౌన్లోడ్ చేసుకోవాలని హెచ్చరించింది.