ఫ్లిప్ కార్ట్ బిగ్ బిలియన్ సేల్ వచ్చేసింది
పండుగ సీజన్ సమీపిస్తుండంతో ఎప్పటిలాగే ప్రముఖ ఆన్ లైన్ విక్రయ సంస్థ ఫ్లిప్ కార్ట్... బిగ్ బిలియన్ డేస్ సేల్ ను ప్రకటించింది. సెప్టెంబర్ 29న ఈ సేల్ ప్రారంభం అయ్యి అక్టోబర్ 4న ముగియనుంది. 6రోజుల పాటు కొనసాగనున్న ఈ సేల్ లో కొనుగోలు దార్లను ఆకర్షించడానికి భారీ ఆఫర్లను ప్రకటించనుంది ఫ్లిప్ కార్ట్. అందులో భాగంగా మొబైల్ ఫోన్స్ , టీవీ , స్పీకర్లు , గాడ్జెట్జ్స్ , ఎలక్ట్రానిక్స్ , గృహోపకరణాల ఫై భారీ డిస్కౌంట్ ఇవ్వనుంది.
ఈనెల 29న అర్ద రాత్రి 12 గంటలకు ఈ బిగ్ బిలియన్ సేల్ ప్రారంభం కానుంది. కాగా ఫ్లిప్ కార్ట్ ప్లస్ సభ్యులకు నాలుగు గంటల ముందే ఈ సేల్ ను యాక్సెస్ చేసుకునే సదుపాయాన్ని కలిపించింది. ఇక మొదటి రోజు సేల్ లో టెలివిజన్ల ఫై 75 శాతం వరకు ఫ్యాషన్ కు సంబంధించిన వస్తువులఫై అనగా.. షూస్ , గడియారాలు , బట్టల ఫై అలాగే గృహోపకరణాలఫై ఏకంగా 90 శాతం వరకు డిస్కౌంట్ ఇవ్వనుంది. రెండవ రోజు నుండి మొబైల్ ఫోన్స్ ,ల్యాప్ టాప్స్ , గాడ్జెట్స్ ఫై భారీ డిస్కౌంట్ లను ప్రకటించనుంది.
అయితే ఈ సేల్ లో మొబైల్ ఫోన్స్ , ల్యాప్ టాప్స్ ప్రధాన ఆకర్షణ గా నిలువనున్నాయి. ఇక అలాగే యాక్సిస్ బ్యాంక్ , ఐసీఐసీఐ బ్యాంక్ క్రెడిట్ కార్డు లఫై 10 శాతం వరకు ఇన్స్టాంట్ డిస్కౌంట్ లు కూడా ఇవ్వనుంది. ఇప్పటికే ఈ సేల్ కు సంబందించిన ప్రమోషన్స్ కోసం అమితాబ్ బచ్చన్ , మహేష్ బాబు, కోహ్లీ వంటి స్టార్స్ ను ప్రచార కర్తలుగా వాడుకుంటుంది ఫ్లిప్ కార్ట్. మరి ఇంకెందుకు ఆలస్యం ఏం ఏం కొనాలనుకుంటున్నారో విష్ లిస్ట్ చేసి పెట్టుకోండి.