గ్యాస్ సిలిండర్ లో గ్యాస్ కి బదులు ఏముందంటే..?
గ్యాస్ను కొనుగోలు చేసిన వినియోగదారుడి యొక్క విచిత్ర పరిస్థితి ఇది. తాను కొనుగోలు చేసిన గ్యాస్ ఓ వైపు త్వరగా అయిపోవడం.. మరల గ్యాస్కు బదులు నీళ్లు రావడం మరోవైపు ఏమి చేయాలో తెలియని పరిస్థితి ఆ వినియోగదారునిది. ఆంధ్రప్రదేశ్ రాష్ట్రంలోని ప్రకాశం జిల్లా చీరాల మండలం రామకృష్ణపురంకు చెందిన శ్రీనివాసరావు గ్యాస్ బుక్ చేసాడు. వేటపాలెం గ్యాస్ ఏజెన్సీ నుంచి సిలిండర్ ఇంటికి వచ్చి డెలివరీ చేసారు. గ్యాస్ను వంట గదిలో పెట్టి కొద్ది రోజులు వాడుకోవడం మొదలెట్టారు. అయితే విచిత్రం ఏమిటంటే పదిరోజుల్లోనే గ్యాస్ అయిపోవడం జరిగింది. ఏమి జరిగిందో అర్థంకాక గ్యాస్ పైపుతీసి చూడగా.. అందులోంచి గ్యాస్ బదులు నీరు బయటకొచ్చింది. వెంటనే గ్యాస్ ఏజెన్సీని సంప్రదించారు. కొన్ని సిలిండర్లలో వర్షం కారణంగా నీళ్లు వస్తున్నాయని, వేరే సిలిండర్ ఇస్తాం అని గ్యాస్ ఏజెన్సీ నిర్వాహకులు చెప్పారు.