నిరుద్యోగులకు గుడ్ న్యూస్..ఈ నెలలో నోటిఫికేషన్.. !
ఆంధ్రప్రదేశ్ ప్రభుత్వం ఇటీవల జాబ్ క్యాలెండర్ ను విడుదల చేసిన సంగతి తెలిసిందే. ఈ క్యాలెండర్ ప్రకారం ఈ నెలలో నోటిఫికేషన్ విడుదల కావాల్సి ఉంది. ఈ నెలలో మొత్తం 1238 ఎస్సీ, ఎస్టీ డిఎ బ్యాక్ లాగ్ పోస్టులను ప్రభుత్వం భర్తీ చేయాల్సి ఉంది. ఇప్పటికే ప్రభుత్వం అనుమతి ఇచ్చిన 802 పోస్టుల్లో 432 ఎస్సీ 370 ఎస్టి లకు సంబంధించిన పోస్టులు ఉన్నాయి. కాగా ఈ ఉద్యోగాలకు ఈ నెలలోనే నోటిఫికేషన్ విడుదల చేయాలని ఆంధ్రప్రదేశ్ ప్రభుత్వం ఉత్తర్వులు జారీ చేసింది.
అంతేకాకుండా ఏపీ సర్కార్ జాబ్ క్యాలెండర్ లో పేర్కొన్న విధంగా ప్రతి నెల లో ఉద్యోగ ప్రకటనలు విడుదల చేస్తామని కూడా స్పష్టం చేసింది. ఇదిలా ఉండగా ఈ జాబ్ క్యాలెండర్ పై ప్రశంసలతో పాటు విమర్శలు కూడా వస్తున్నాయి. జాబ్ క్యాలెండర్ లో అసలు ఉద్యోగాలు లేవని ఆరోపణలు వస్తున్నాయి. చెప్పుకోవడానికి జాబ్ క్యాలెండర్ కానీ అది జాబ్ లు లేని క్యాలెండర్ అని ప్రతిపక్షాలు విమర్శిస్తున్నాయి.