అందంగా.. ఆక‌ర్ష‌ణీయంగా క‌నిపించాలంటే..ఈ టిప్స్ చాలు
సాధార‌ణంగా నలుగురిలోకీ వెళ్లినప్పుడు అందరూ అందంగా.. ఆక‌ర్ష‌ణీయంగా క‌నిపించాల‌ని కోరుకుంటారు. ఈ క్ర‌మంలోనే ముఖాన్నే అందంగా ఉండేలా చూస్తారనుకుంటాం. అయితే చాలా మంది ప్రత్యేక సందర్భాలకు సంబంధించి బయటకు వెళ్తున్నప్పుడు తల జిడ్డుగా ఉన్నా సరే అలాగే వెళ్లిపోతుంటారు. అయితే అన్ని సార్లూ తలస్నానం చేసే సమయం ఉండకపోవచ్చు.అలాంటప్పుడు డ్రై షాంపూ లేదా కండిషనర్‌ని ఎంచుకోవాలి. దానివల్ల తలలో జిడ్డు తగ్గుతుంది.
అలాగే చాలా మంది బయటకు వెళ్లే ముందు కేవలం ముఖాన్ని వీలైనంత అందంగా కనిపించేలా చేసేందుకు ఎంతో శ్రద్ధ తీసుకుంటాం. ఆ క్రమంలో చేతి, కాలిగోళ్ళను నిర్లక్ష్యం చేస్తాం. ఎవరు పట్టించుకుంటారనుకుంటాం. కానీ చాలామంది వాటిని కూడా గమనిస్తారు. అలాంటప్పుడు గోళ్లల్లో మట్టి, సగం గోళ్ల రంగు మాత్రమే ఉండటం లేదా అవి విరిగిపోయి ఉండటంలాంటివన్నీ మీరు వ్యక్తిగత శుభ్రతను తేలిగ్గా తీసుకుంటారనే సంకేతాన్ని అందిస్తాయి. అందుకే వాటి విషయంలోనూ జాగ్రత్తగా ఉండాలి. కొందరు ముందు గమనించుకోకుండా నచ్చిన రంగు ఫౌండేషన్‌ని ఎంచుకుంటారు.
అయితే చర్మతత్వానికి నప్పే ఫౌండేషన్‌ ఎంచుకోకపోతే ఆ తేడా ముఖంపై స్పష్టంగా కనిపిస్తుంది. అందుకే కొనేముందు అది మీకు నప్పుతుందా లేదా అన్నది పరీక్షించుకోవాలి. ముఖంపై అవాంఛిత రోమాలుండటం కూడా సహజ అందాన్ని తగ్గిస్తుంది. అయితే వాటిని తొలగించేందుకు లేజర్‌ లాంటి చికిత్సలు చేయించుకోలేకపోవచ్చు. అలాగని వదిలేయాలని లేదు. బ్లీచింగ్‌ని ఎంచుకోవచ్చు. ఈ రోజుల్లో బ్లీచింగ్‌ కిట్లు అన్ని చోట్లా దొరుకుతున్నాయి. కాబట్టి ఎప్పటికప్పుడు వాడితే అవాంచిత రోమాలు ఎక్కువగా కనిపించనివ్వకుండా చేయవచ్చు.