നെല്ലിക്ക നീര് ദിവസവും ഉപോയോഗിക്കൂ, മാറ്റങ്ങൾ കാണാം
നെല്ലിക്ക നീര് ദിവസവും ഉപോയോഗിക്കൂ, മാറ്റങ്ങൾ കാണാം. മുടിയില് നെല്ലിക്ക പല തരത്തിലെ ഗുണങ്ങള് നല്കുന്ന ഒന്നാണ്. ഇതു പണ്ടേ തന്നെ നല്ലൊരു ഹെയര് ടോണിക്കായി ഉപയോഗിയ്ക്കുന്ന ഒന്നാണ്. നെല്ലിക്ക അരച്ച് ഹെയര് പായ്ക്കായി ഉപയോഗിയ്ക്കാം. ഇതിട്ട എണ്ണ കാച്ചി തേയ്ക്കാം. ഇത് മറ്റു ഹെയര് പായ്ക്കുകളില് ചേര്ത്ത് ഉപയോഗിയ്ക്കാം. ഇതൊന്നും ചെയ്യാന് പറ്റിയില്ലെങ്കില് പോലും ദിവസവും നെല്ലിക്കാ നീര് തലയില് തേയ്ക്കുന്നതു തന്നെ ഏറെ ഗുണങ്ങള് നല്കുന്ന് ഒന്നാണ്.
മുടിയ്ക്ക് കറുപ്പു നല്കാനും മുടിയുടെ നരയെന്ന പ്രശ്നം ഒഴിവാക്കാനും മുടി നല്ലതു പോലെ വളരാനുമെല്ലാം ഏറെ ഗുണകരമാണ് നെല്ലിക്ക. ദിവസവും നെല്ലിക്ക കഴിയ്ക്കുന്നതു പോലും മുടിയ്ക്ക് പല തരത്തിലെ ഗുണങ്ങളും നല്കുന്ന ഒന്നാണ്. ഇത് കഴിയ്ക്കുന്നതും മുടിയില് പുരട്ടുന്നതുമെല്ലാം തന്നെ ഇത്തരം ഗുണങ്ങള് നല്കുന്നു. ആരോഗ്യത്തിന്, സൗന്ദര്യത്തിന്, മുടി സംരക്ഷണത്തിന് ഒരുപോലെ സഹായിക്കുന്ന ഒന്നാണ് നെല്ലിക്ക. വലിപ്പത്തില് കുഞ്ഞനെങ്കിലും ഗുണത്തില് ഏറെ ഗുണങ്ങള് നല്കുന്ന ഒന്നാണിത്.
വിറ്റാമിൻ സി, ആന്റി ഓക്സിഡന്റ്, ഫൈബർ, മിനറൽസ്, കാൽത്സ്യം, എന്നിവയൊക്കെ ഇത്തിരിപ്പോന്ന നെല്ലിക്കയിൽ അടങ്ങിയിട്ടുണ്ട്. ഇത് രോഗ പ്രതിരോധ ശേഷി വർദ്ധിപ്പിക്കാനും അണുബാധ, ബാക്ടീരിയ എന്നിവയിൽനിന്നും രക്ഷനേടാനും സഹായിക്കും. അകാല നരയ്ക്ക് നല്ലൊരു പരിഹാരമാണിത്. ഇതിലെ വൈറ്റമിന് സി, ആന്റി ഓക്സിഡന്റുകള് എന്നിവ നര തടയാന് സഹായിക്കും. നരച്ച മുടി കറുക്കാനുള്ള ഉപാധി കൂടിയാണ് നെല്ലിക്കാനീര്.
അകാലനര എന്ന പ്രശ്നമുള്ളവര്ക്ക് ഈ പരിഹാരം തേടാന് സാധിയ്കകും. നര തടയാന് നെല്ലിക്കയിട്ടു കാച്ചിയ എണ്ണയും നെല്ലിക്ക ചേര്ത്ത ഹെയര് പായ്ക്കുകള് ഏറെ നല്ലതാണ്. ഇത് മുടിയ്ക്കു നിറം നല്കുന്ന പിഗ്മെന്റേഷന് സഹായിക്കുന്നു. ഇതു വഴി മുടിയ്ക്കു കറുപ്പു നല്കുന്നു. മുടി കൊഴിച്ചില് തടയാനുള്ള നല്ലൊരു വഴിയാണ് ഇത് തലയില് പുരട്ടുന്നത്. ഇത് മുടി വേരുകളെ ശക്തിപ്പെടുത്തുന്നു. മുടി കൊഴിഞ്ഞു പോകുന്നതിനുള്ള നല്ലൊരു പരിഹാരം കൂടിയാണിത്. ഇതു തനിയെ പുരട്ടാം. ഇല്ലെങ്കില് ലേശം നാരങ്ങാനീരും ചേര്ത്തു പുരട്ടാം.
ഇവ രണ്ടും ചേര്ത്ത് ശിരോചര്മത്തില് പുരട്ടി 20 മിനിറ്റു കഴിഞ്ഞു കഴുകിക്കളയാം. ആഴ്ചയില് ഒന്നു രണ്ടു തവണ ചെയ്താല് ഇത് മുടി വേരുകളെ ബലപ്പെടുത്തുന്നു. വരണ്ട മുടി കാരണമുണ്ടാകുന്ന മുടി കൊഴിച്ചില് അകറ്റാനും ഇതേറെ നല്ലതാണഅ. വരണ്ട മുടിയ്ക്കു തിളക്കവും മിനുസവും നല്കാന് സാധിയ്ക്കുന്ന സ്വാഭാവിക കണ്ടീഷണറാണ് ഇത്. വരണ്ട മുടി പൊട്ടിപ്പോകാന് എളുപ്പമാണ്. ഇത്തരം പ്രശ്നങ്ങള്ക്കുള്ള നല്ലൊരു പരിഹാരം കൂടിയാണിത്. നെല്ലിക്ക നീര് നല്ലൊന്നാന്തരം ഹെയര് കണ്ടീഷണറാണ്.
പ്രത്യേകിച്ചും വരണ്ട മുടിയ്ക്ക് ഇതു പുരട്ടുന്നത് ഏറെ ഗുണം നല്കും. നെ്ല്ലിക്ക, ഹെന്ന കൂട്ട് മുടിയ്ക്ക് മികച്ചൊരു കണ്ടീഷണറാണ്. ഇതും മുട്ടയും ചേര്ത്തിളക്കി മുടിയില് ഹെയര് പായ്ക്കായി ഉപയോഗിയ്ക്കാം. നെല്ലിക്കയുടെ മണം മുട്ടയുടെ മണത്തെ അകറ്റാനും സഹായിക്കുന്നു. മുടിയ്ക്കു ബലവും തിളക്കവും മിനുസവുമെല്ലാം നല്കുന്ന ഒന്നാണ് ഈ വഴി.
താരന് അകറ്റാനും നെല്ലിക്ക നീര് മുടിയില്, ശിരോചര്മത്തില് പുരട്ടുന്നത് ഏറെ നല്ലതാണ്. ഇതിലെ വൈറ്റമിന് സി ആണ് ഈ ഗുണം നല്കുന്നത്. ഇത് താരന് രൂപപ്പെടുന്നതു തടയുന്നു. ശിരോചര്മം വൃത്തിയാക്കാനുള്ള നല്ലൊരു വഴി കൂടിയാണിത്.