షావోమీ బ్రాండ్ గురించి ప్రత్యేకంగా చెప్పనవసరం లేదు.చైనా దేశానికి చెందిన ఈ స్మార్ట్ ఫోన్ కంపెనీ టెక్ మార్కెట్లో చెరగని ముద్రని వేసింది.మొదట్లో బడ్జెట్ మార్కెట్ను టార్గెట్ చేసుకొని స్మార్ట్ ఫోన్స్ను తీసుకొచ్చిన షావోమీ కంపెనీ ఆ తర్వాత ప్రీమియం స్మార్ట్ ఫోన్స్ను కూడా తీసుకురావడం జరిగింది.ఇక ఆ తర్వాత షావోమి టెక్ మార్కెట్లో చాలా రకాల గ్యాడ్జెట్స్ను తీసుకొచ్చాయి.రోబో వ్యాక్యూమ్ క్లీనర్ మొదలు స్మార్ట్ వాచ్లు, ఇయర్ బడ్స్తో పాటు ఇలా చాలా అధునాతన ఫీచర్లతో కూడిన ప్రొడక్ట్స్ను లాంచ్ చేశాయి. ఈ క్రమంలోనే తాజాగా ఏకంగా కార్లను తీసుకొచ్చే పనిలో పడింది షావోమీ కంపెనీ. షావోమీ కంపెనీ నుంచి ఫస్ట్ ఎలక్ట్రిక్ కారును తీసుకొస్తున్నారు. షావోమి కంపెనీ ఎస్యూ7 పేరుతో ఈ కారును లాంచ్ చేయనున్నారు.ఇక ఇప్పటికే షావోమీ ఈ కార్లకు సంబంధించి లైసెన్స్ కోసం చైనాలో దరఖాస్తుని చేసుకున్నారు. అయితే షావోమీ కంపెనీ ఈ కార్లను స్వయంగా డిజైన్ చెయ్యడం లేదు..'బీజింగ్ ఆటోమోటివ్ ఇండస్ట్రీ హోల్డింగ్ కంపెనీ లిమిటెడ్ (BAIC)' సహకారంతో ఈ కార్లను కంపెనీ తయారు చేస్తోంది.
ఇందు కోసం సదరు కంపెనీకి కాంట్రాక్టుకు కూడా ఇచ్చింది. ఇక చైనా ఇండస్ట్రీ, ఇన్ఫర్మేషన్ టెక్నాలజీ మంత్రిత్వ శాఖ అనుమతి కోసం కంపెనీ ఇప్పటికే దరఖాస్తు కూడా చేసుకుంది. ఈ క్రమంలోనే తాజాగా షావోమీ ఎలక్ట్రిక్ కారుకు సంబంధించి కొన్ని వివరాలను విడుదల చేయడం జరిగింది.సెడాన్ విభాగంలో ఈ కారును కంపెనీ తీసుకొస్తోంది. ఇక ఈ కారు ఫీచర్ల విషయానికొస్తే ఇందులో వీల్బేస్ 3000 ఎంఎంగా ఇవ్వనున్నారు. లైడర్ సెన్సర్ వంటి అప్డేటెడ్ ఫీచర్ను కూడా అందించనున్నారు. ఇక ఈ కారులో 'ఫేస్ రికగ్నిషన్ అన్లాకింగ్' ఫీచర్ను కూడా ఇవ్వనున్నారని సమాచారం తెలుస్తోంది. అంటే స్మార్ట్ ఫోన్ను ఎలా అయితే మొహం చూపించి అన్లాక్ చేసుకుంటున్నామో అలాగే కారు కూడా కీ లేకుండా అన్లాక్ చేసకోవచ్చు. ఇక ఈ కారులో రెండు రకాల బ్యాటరీలను కంపెనీ వారు అందించారు. వీటిలో ఒకి 220 కిలోవాట్ మోటార్తో కూడిన 'రియర్ వీల్ డ్రైవ్ (RWD)'.. కాగా మరొకటి 495 కిలోవాట్ మ్యాగ్జిమమ్ పవర్తో కూడిన 'ఆల్ వీల్ డ్రైవ్'ను కూడా ఇవ్వనున్నారు.