మునగాకు పప్పు తిన్నారా? ఎంత ఆరోగ్యమో తెలుసా!?
మునక్కాయలే కాదు మునగ ఆకుల్లోనూ ఎన్నో పోషకాలు ఉంటాయి. ఆయుర్వేద వైద్య విధానాల్లో మునగకుకు ఎంతో ప్రాధాన్యం ఉంది. మునగ ఆకుల్లో ఏ, బీ, సీ విటమిన్లు, కాల్షియం, ఐరన్, అమైనో ఆమ్లాలు అన్ని ఉంటాయి. అయితే ఈ మునగాకుతో మన భారత్ లో పప్పు, ఫ్రై అన్ని చేసుకొని తింటారు.. అయితే ఇప్పుడు ఇప్పుడు మునగాకుతో పప్పు ఎలా చేస్తారు అనేది తెలుసుకోండి.. పప్పుని తినండి శక్తి తెచ్చుకోండి.
కావలసిన పదార్థాలు...
పెసరపప్పు - ఒక కప్పు,
మునగ ఆకు సన్నగా తరిగినది - ఒక కప్పు,
పచ్చిమిరపకాయలు - 3 లేక 4,
పసుపు - చిటికెడు,
ఉప్పు - తగినంత,
నిమ్మచెక్క - ఒకటి,
నూనె - తగినంత,
పోపు గింజలు - టీ స్పూను.
తయారీ విధానం...
ముందుగా ఒక గిన్నెలో పెసర పప్పును ఉడికించుకోవాలి. అది ఉడికే సమయంలో అందులో వరసగా మునగ ఆకు, పసుపు, పచ్చి మిరపకాయలు, ఉప్పు వేసి పప్పు పూర్తిగా ఉడికిన తర్వాత నిమ్మకాయ పిండాలి. ఆ తర్వాత స్టవ్పై కడాయి ఉంచి అందులో కాస్త, పోపు గింజలు వేసి వేగించి పప్పులో కలపాలి. కొత్తిమీరతో గార్నిష్ చేసుకోవాలి. అంతే మునగాకు పప్పు రెడీ అయిపోతుంది. ఈ పప్పు చెపాతీలలోకి.. అన్నంలోకి ఎంతో రుచిగా ఉంటుంది.