యూజర్ల భద్రత కోసం గూగుల్ కొత్త ఫీచర్
"2021 చివరి నాటికి మేము 2SV లో అదనంగా 150 మిలియన్ గూగుల్ యూజర్లను ఆటో-ఎన్రోల్ చేయడానికి ప్లాన్ చేస్తున్నాము. దీనిని ఎనేబుల్ చేయడానికి 2 మిలియన్ యూట్యూబ్ క్రియేటర్లు అవసరం. 2SV ఎంపికలు అందరికీ సరిపోవని మేము గుర్తించాము. కాబట్టి మేము అనుకూలమైన, సురక్షితమైన ప్రమాణీకరణ అనుభవాన్ని అందించే సాంకేతికతలపై పని చేస్తున్నాము. దీర్ఘకాలంలో పాస్వర్డ్లపై ఆధారపడటాన్ని తగ్గిస్తాము." అని కంపెనీ ఒక బ్లాగ్ పోస్ట్లో పేర్కొంది. ఖాతాలు, నెట్వర్క్లు సైబర్ దాడి బారిన పడకుండా నిరోధించడానికి ఈ పద్ధతి చాలా ముఖ్యం అంటోంది గూగుల్. ఈ సెర్చ్ ఇంజిన్ దిగ్గజం వాస్తవానికి మేలోనే తన ప్రయత్నాన్ని ప్రారంభించింది.
డిజిటల్ ఖాతాలకు మెరుగైన భద్రత
ప్రజలు డిజిటల్ ఖాతాలను ఉపయోగించడం మానేసిన తర్వాత వాటిని బాగా రక్షించడాన్ని గూగుల్ లక్ష్యంగా పెట్టుకుంది. అకౌంట్ సెట్టింగ్ల క్రింద అందుబాటులో ఉన్న ఇన్యాక్టివ్ అకౌంట్ మేనేజర్, ఖాతా ఎప్పుడు ఇన్యాక్టివ్గా ఉండాలి ? ఎవరికి తెలియజేయాలి ? అకౌంట్ ఇన్యాక్టివ్ అయినప్పుడు ఏమి షేర్ చేయాలో నిర్ణయించుకోవడానికి వినియోగదారులకు పలు ఆప్షన్స్ ఇస్తుంది.
136 యాప్లు ప్రమాదకరమైనవి అని ఇటీవల గూగుల్ ప్లే స్టోర్ గుర్తించింది. జింపెరియంలోని భద్రతా నిపుణులు ప్రపంచవ్యాప్తంగా ఉన్న ఆండ్రాయిడ్ స్మార్ట్ఫోన్ వినియోగదారుల నుండి మిలియన్ల డాలర్లను దోచుకున్న మరో మాల్వేర్ గురించి వివరించారు. ప్రమాదకరమైన విషయం ఏమిటంటే ఈ యాప్లు మీ ఫోన్లో ఉండవచ్చు. మీ డబ్బును దొంగిలించవచ్చు. గూగుల్ ఆ 136 యాప్లను నిషేధించింది.