ఐఫోన్ 13 కాదు 14 అంటు ట్రెండ్.. కారణం అదేనా?
అయితే ట్వీట్టర్ లో ఆపిల్ అభిమానులు ఐఫోన్ 13 కాదని అది ఐఫోన్ 14 అంటూ ట్వీట్ లు చేస్తున్నారు. ఆపిల్ సంస్థ ఐఫోన్ 14నే విడుదల చేస్తున్నారని ట్వీట్టర్ లో ట్రెండింగ్ చేస్తున్నారు. అభిమానులు #iPhone14 పేరిట ట్వీట్టర్ లో ట్రెండ్ చేస్తున్నారు. దీనికి కారణం కొన్ని దేశాల ప్రజలు 13 అనే నంబర్ ను దురదృష్టకర సంఖ్య గా భావిస్తారు. ఈ 13 సంఖ్యనే చాలా ప్రదేశాల్లో వాడరు. కొన్ని విమానాల్లో, కొన్ని అపార్ట్ మెంట్ లలో 13 వ నెంబర్ తో ఉన్న దాన్ని అసలు వాడరు. ఈ సంఖ్య తమకు కీడు చేస్తుందని వారి మూఢనమ్మకం. అందుకు గాను ట్వీట్టర్ లో ఐఫోన్ 14 విడుదల చేస్తోందని ప్రచారం చేస్తున్నారు.
కానీ ఆపిల్ సంస్థ వారు 13 నెంబర్ కీడు చేస్తుంది అనేది మూఢ నమ్మకమని కొట్టి పారేసింది. తాము సెప్టెంబర్ 14 న ఐఫోన్ 13 నే విడుదల చేసి తీరుతామని తెల్చి చేప్పారు. ఇలాంటి వింత పరిస్థితి గతంలోనూ ఆపిల్ సంస్థకు ఎదరైందని వారు గుర్తుచేశారు. 2010లో ఐఫోన్ 4 విడుదల చేయడానికి ఇలాంటి పరిస్థితులే వచ్చాయని అన్నారు. 4 అనే సంఖ్యను చైనా తో పాటు మరికొన్ని ఆసియా దేశాలల్లో మరణానికి సూచికగా భావిస్తారు. అయినా ఐఫోన్ 4 ను విడుదల చేసింది. అప్పుడు కొన్ని గుణాంకాల ప్రకారం గతం కంటు ఐఫోన్ మొబైల్స్ ఎక్కువగా అమ్ము పోయాయని ఆ సంస్థ ప్రతినిదులు తెలిపారు. ఇప్పుడు కూడా తాము ఐఫోన్ 13 ను విడుదల చేసి తీరుతామని అన్నారు.