മരട് ഫ്ലാറ്റ് ; പ്രത്യേക ഉത്തരവുമായി കോടതി
മരടിലെ എല്ലാ ഉടമകൾക്കും 25 ലക്ഷം നല്കണമെന്ന് സുപ്രീം കോടതി
മരടിലെ എല്ലാ ഉടമകള്ക്കും 25 ലക്ഷം നല്കണമെന്നും, നിര്മാതാക്കള് അതിനായി 20 കോടി കെട്ടിവെക്കണമെന്നു സുപ്രീം കോടതി ഉത്തരവിട്ടു.മരടിലെ ഫ്ളാറ്റുകള് പൊളിക്കണമെന്ന വിധിയില്നിന്ന് അണുവിട പോലും പിന്നോട്ടു പോവില്ലെന്ന് സുപ്രീം കോടതി.മരട് ഫ്ളാറ്റ് ഉടമകള്ക്ക് ആദ്യ ഘട്ട നഷ്ടപരിഹാരം ആയി 25 ലക്ഷം നല്കാന് സുപ്രീം കോടതി നേരത്തെ ഉത്തരവ് ഇട്ടിരുന്നു.
എന്നാല് തങ്ങള്ക്ക് 25 ലക്ഷം തങ്ങള്ക്ക് 25 ലക്ഷം നല്കാന് ജസ്റ്റിസ് ബാലകൃഷ്ണന് നായര് സമിതി ശുപാര്ശ ചെയ്യുന്നില്ല എന്ന് ഫ്ളാറ്റ് ഉടമകള് കോടതിയില് ചൂണ്ടിക്കാട്ടി .ബാലകൃഷ്ണന് നായര് സമിതിയുടെ മാനദണ്ഡം പ്രകാരം ഫ്ളാറ്റിന്റെ വില പരിശോധിച്ച് നഷ്ടപരിഹാരം നിശ്ചയിച്ചത് ശരിയല്ലെന്ന് കോടതി നിരീക്ഷിച്ചു. ഇതേ തുടര്ന്നാണ് നഷ്ട പരിഹാരത്തിന് സമിതിയെ സമീപിച്ച എല്ലാവര്ക്കും 25 ലക്ഷം വീതം നല്കാന് കോടതി നിര്ദേശിച്ചത്.
ഫ്ളാറ്റുകള് മറ്റെന്തെങ്കിലും ആവശ്യങ്ങള്ക്ക് ഉപയോഗിക്കാന് അനുവദിക്കണമെന്ന ആവശ്യമാണ് ഫ്ളാറ്റുടമകളുടെ സംഘടന നല്കിയ ഹര്ജിയില് ആവശ്യപ്പെട്ടിരുന്നത്.ഇത് അനുവദിക്കാന് കഴിയില്ലെന്ന് കോടതി വ്യക്തമാക്കി. ഫ്ളാറ്റുകള് പൊളിക്കണമെന്ന വിധിയില്നിന്ന് ഒരിഞ്ചുപോലും പുറകോട്ട് പോകില്ലെന്നും കോടതി പറഞ്ഞു.