బిగ్ బాస్ 5: శ్వేత... కాజల్ ను నమ్మిందా లేదా?
గత వారం ఎలిమినేషన్ కి మొత్తం పది మంది నామినేట్ కాగా అందులో శ్వేతకి తక్కువ ఓటింగ్స్ రావడంతో ఆమె హౌజ్ నుండి బయటకు రాక తప్పలేదు. సండే ఎపిసోడ్ లో శ్వేత ఇంటి నుండి ఔట్ అయ్యారు. తను ఇన్నాళ్లు హౌజ్ లో పోగుచేసుకున్న మెమరీస్ ను ఏవీ గా చూపిస్తారు నాగ్. ఆ ఏవీ కంప్లీట్ అయ్యాక ఒక్కొక్కరి గురించి చెప్పడం మొదలుపెడుతుంది శ్వేత. బిగ్ బాస్ హౌస్ లో ఏ కంటెస్టెంట్ కి దూరంగా ఉండాలి అని నాగ్ అడుగగా, శ్వేతా టక్కుమని రవి పేరు చెప్పి ఇతనికి ఖచ్చితంగా దూరంగా ఉండాలి అంటుంది. హౌజ్ లో చాలా డేంజరస్ పర్సన్ ఎవరు అని అడగ్గా.. మానస్ పైకి చాలా అమాయకంగా కనిపిస్తాడు కానీ అతడు చాలా డేంజరస్ అని చెబుతుంది.
మానస్ ఆలోచనలను అస్సలు అంచనా వేయలేం అని చెబుతుంది. ఇక యూ టర్న్ ఎవరు తీసుకున్నారు ఎప్పుడు తీసుకున్నారు అని నాగ్ అడగగా... కాజల్ కు ఇది కరెక్ట్ గా సరిపోతుంది. కెప్టెన్సీ టాస్క్ లో కాజల్ యూ టర్న్ తీసుకుంది అంటూ చెబుతుంది. కానీ నువ్వు బాగా ఆడుతావ్ అంటూ చెప్పింది.. దీనిని బట్టి కాజల్ ను శ్వేత నమ్మిందా లేదా అన్న కన్ఫ్యూషన్ లో ప్రేక్షకులు ఉన్నారు. ఇక ఈ రోజు జరగనున్న ఎలిమినేషన్ నామినేషన్ మరింత ఆసక్తికరంగా సాగనుంది.