స్టన్నింగ్ క్యాచ్.. అదిరే రనౌట్.. వైరల్ వీడియో?
అద్భుతమైన క్యాచ్ మాత్రమే కాదండోయ్ అదిరిపోయే రన్ ఔట్ తో జట్టుకు ఎంతో మేలు చేసింది మరో ప్లేయర్. ఇందుకు సంబంధించిన రెండు వీడియోలు కూడా ట్విట్టర్ వేదికగా తెగ హల్చల్ చేస్తున్నాయి అని చెప్పాలి. ఇటీవలే కామన్వెల్త్ క్రీడల్లో భాగంగా గోల్డ్ మెడల్ కోసం భారత్ ఆస్ట్రేలియా ఫైనల్ మ్యాచ్ జరిగింది అన్న విషయం తెలిసిందే. ఇందులో భాగంగా తొలుత బ్యాటింగ్ చేసింది ఆస్ట్రేలియా. 11 ఓవర్లలో రాధా యాదవ్ బౌలింగ్ చేసింది. అయితే ఎవరూ ఊహించని విధంగా మెరుపువేగంతో బంతిని వికెట్లకు వేసింది రాధా యాదవ్. దీంతో ఆస్ట్రేలియా బ్యాటర్ రనౌట్ గా పెవిలియన్ చేరాల్సిన పరిస్థితి ఏర్పడింది.
ఆ తర్వాత 12 ఓవర్ దీప్తి శర్మ వేసింది. ఆ సమయంలోనే కవర్ డ్రైవ్ ఆడేందుకు ప్రయత్నించగా స్టన్నింగ్ క్యాచ్ పట్టుకోవడంతో మరో ఆస్ట్రేలియా బ్యాటర్ చివరికి వెనుతిరిగింది.. ఇందుకు సంబంధించిన రెండు వీడియోలు కూడా ట్విట్టర్ లో తెగ చక్కెర్లు కొడుతున్నాయి అని చెప్పాలి. ఇంకెందుకు ఆలస్యం మీరు కూడా ఈ వీడియోలో చూసేయండి. కాగా ఫైనల్ మ్యాచ్ లో భాగంగా చివరి వరకు ఎంతో వీరోచితంగా పోరాడిన టీమిండియా జట్టు 9 పరుగుల తేడాతో పరాజయం పాలైంది. ఈ క్రమంలోనే ఇక గోల్డ్మెడల్ మిస్ చేసుకొని రజతం తో సరిపెట్టుకుంది.