ధోని బర్త్ డే.. ఇలాంటి సెలబ్రేషన్ చూసి ఉండరు?

praveen
టీమిండియా మాజీ కెప్టెన్ మహేంద్ర సింగ్ ధోనీకి ప్రపంచ క్రికెట్లో ఎంతో గుర్తింపు ఉందో ప్రత్యేకంగా చెప్పాల్సిన పని లేదు. ఒక టికెట్ కలెక్టర్ స్థాయి నుంచి ఏకంగా దేశం గర్వించే క్రికెటర్ స్థాయికి ఎదిగిన మహేంద్ర సింగ్ ధోనీ జీవితం ఎంతో మంది యువతకు ఆదర్శం అని చెప్పాలి. ఇక భారత క్రికెట్లో ఒక సాదాసీదా ఆటగాడిగా ప్రస్థానం మొదలుపెట్టి తక్కువ సమయంలోనే దిగ్గజ ఆటగాడి గా గుర్తింపు సంపాదించుకున్నాడు. అంతే కాదు జట్టులో ఎంతో మంది సీనియర్లు ఉన్నప్పటికీ ఇక టీమిండియాకు సారథ్య బాధ్యతలు అందుకొని భారత జట్టును ఎంతో సమర్థవంతంగా ముందుకు నడిపించాడు.

 ఇప్పటివరకూ ఏకంగా భారత క్రికెట్ చరిత్రలో మూడు ఐసీసీ ట్రోఫీలు అందించిన ఏకైక కెప్టెన్ గా మహేంద్రసింగ్ ధోని కొనసాగుతున్నాడు అని చెప్పాలి. అయితే ధోని రిటైర్మెంట్ ప్రకటించిన తర్వాత ఐపీఎల్ లో చెన్నై సూపర్ కింగ్స్ జట్టు తరఫున ఆడుతూ అభిమానులను అలరిస్తున్నాడు. అయితే ఇక అంతర్జాతీయ క్రికెట్కు దూరమైనప్పటికీ అటు ధోనీ క్రేజ్ మాత్రం ఏ మాత్రం తగ్గలేదు అనే విషయం తెలిసిందే. ఇక ధోని అటు సోషల్ మీడియాలో ఎక్కువగా యాక్టివ్ గా ఉండడు. ఎప్పుడో ఒకసారి పోస్ట్ పెడుతూ ఉంటాడు. కానీ ధోని అభిమానులు  మాత్రం ఎప్పుడూ ధోని కి సంబంధించిన పోస్టులతో సోషల్ మీడియాలో హల్చల్ చేస్తూ అంటారు.

 అయితే నేడు ధోని పుట్టిన రోజు కావడంతో సోషల్ మీడియాలో ధోని బర్త్ డే ఫోటోలు వెల్లువెత్తుతున్నాయి అని చెప్పాలి. ఈ క్రమంలోనే పుట్టినరోజు వేడుకలను ఘనంగా జరిపేందుకు   సిద్ధం అవుతున్నారూ. ధోనీ 41 వ పుట్టినరోజును పురస్కరించుకుని ఆంధ్రప్రదేశ్లోని అభిమానులు విజయవాడ నందిగామ వద్ద ఏకంగా నలభై ఒక్క అడుగుల కటౌట్ ఏర్పాటు చేశారు. ఈ కటౌట్ కు  సంబంధించిన ఫోటోని ట్విట్టర్ వేదికగా పోస్ట్ చేసి ఇక బర్త్ డే వేడుకలు మామూలుగా ఉండవు అంటూ ఒక ట్విట్ పెట్టారు. ఇది చూసిన ధోని అభిమానులు అందరూ కూడా మురిసిపోతున్నారు అని చెప్పాలి.
మరిన్ని ఇంట్రెస్టింగ్ అప్ డేట్స్ కోసం క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

సంబంధిత వార్తలు: