സൗരഭ് വർമ്മ ഫൈനലിൽ
വിയറ്റ്‌നാം ഓപ്പണ്‍ ബി ഡബ്ല്യു എഫ് ടൂര്‍ സൂപ്പര്‍ 100 ബാഡ്മിന്റണ്‍ ചാമ്പ്യന്‍ഷിപ്പില്‍ ഇന്ത്യയുടെ സൗരഭ് വര്‍മ ഫൈനലില്‍. പുരുഷവിഭാഗം സിംഗിള്‍സിലാണ് സൗരഭിന്റെ വിജയം. ജപ്പാന്‍ താരമായ മിനോരു കോഗയെ ആണ് രണ്ടാം സീഡായ സൗരഭ് പരാജയപ്പെടുത്തിയത്. നേരിട്ടുള്ള ഗെയ്മുകള്‍ക്കാണ് സൗരഭിന്റെ ഈ ജയം.
ആദ്യ ഗെയ്മില്‍ ശക്തമായ മത്സരമായിരുന്നു. ഒടുവില്‍ 22=20 ന് ഇന്ത്യന്‍ താരം ഗെയിം സ്വന്തമാക്കി. എന്നാല്‍ രണ്ടാം ഗെയ്മില്‍ ജപ്പാന്‍ താരം പൊരുതാതെ കീഴടങ്ങി. 21=15 ന് ഗെയിം സ്വന്തമാക്കി. 51 മിനിറ്റാണ് മത്സരം നീണ്ട് നിന്നത്.ഫൈനലില്‍ ചൈനയുടെ ലോക 68 ആം നമ്പര്‍ താരം സുന്‍ ഫീ സിയാങ് ആണ് സൗരഭിന്റെ എതിരാളി. നിലവില്‍ ദേശീയ ചാമ്പ്യനാണ് സൗരഭ്.