సెక్స్ మధ్యలో కండోమ్ తీస్తే కేసు.. కొత్త చట్టం ఎక్కడంటే.?
దిని ప్రకారం.. శృంగారం చేసే సమయంలో భాగస్వామి పర్మిషన్ లేకుండా కండోమ్ తీయకూడదు. ఒకవేళ తొలగిస్తే ఇకముందు నేరంగా పరిగణించబడుతుంది. దీంతో పాటు శిక్ష కూడా పడుతుంది. దీనికి సంబంధించి ఏబీ 453 పేరుతో కొత్త చట్టం ఏర్పాటుకు బిల్లును ప్రతిపాదించారు. తాజాగా ఈ బిల్లుకు సంబంధించిన విషయాలను కాలిఫోర్నియాలోని అసెంబ్లీ సభ్యురాలు క్రిస్టినా గార్సియా తెర పైకి తీసుకొచ్చారు. ఈ మధ్యనే ఈ బిల్లుకు ఆమోదం తెలిపింది అసెంబ్లీ.
అయితే.. ఈ బిల్లుపై గవర్నర్ సంతకం చేస్తే చట్టంగా మారుతుంది. బిల్లుపై గవర్నర్ సంతకం చేస్తే ఈ తరహా సంచలన బిల్లును తీసుకొచ్చిన మొట్టమొదటి రాష్ట్రంగా కాలిఫోర్నియా నిలవనుంది. ఈ విషయమై ఇప్పుడు హాట్ టాపిక్ గా మారింది. కాలిఫోర్నియా సివిల్ కోడ్ సెక్షన్ 1708.5ను సవరిస్తూ 453 బిల్లును తీసుకొచ్చింది అక్కడి ప్రభుత్వం. ఈ 1708.5 సెక్షన్ ప్రకారం శృంగారం చేసే సమయంలో ఏ విధంగానైనా భాగస్వామిని గాయపర్చకూడదు.. ఒక వేళ అలా చేస్తే అది నేరంగా పరిగణిస్తారు. దీనికి కొనసాగింపుగా 453 బిల్లును తీసుకువస్తున్నారు. దీని ప్రకారం సెక్స్ చేసే సమయంలో భాగస్వామి అనుమతి లేకుండా కండోమ్ తొలగించడానికి లేదు.. ఒక వేళ అలా చేస్తే నేరం మోపడమే కాకుండా శిక్ష విధిస్తారట. గవర్నర్ సంతకంతో ఈ బిల్లు చట్టంగా మారనుంది.