వావ్.. తండ్రి అయినా టీమిండియా క్రికెటర్?
ఇకపోతే టీమిండియా లో స్టార్ ప్లేయర్గా కొనసాగుతున్న మయాంక్ అగర్వాల్ కు సంబంధించిన ఒక వార్త సోషల్ మీడియాను ఊపేస్తుంది. అభిమానులందరినీ కూడా ఆనందం లో ముంచేస్తుంది అని చెప్పాలి. ఇంతకీ ఆ గుడ్ న్యూస్ ఏంటో తెలుసా.. మయాంక్ అగర్వాల్ తండ్రి అయ్యాడు. టీమిండియా ప్లేయర్ మయాంక్ అగర్వాల్ భార్య ఇటీవలే పండంటి మగ బిడ్డకు జన్మనిచ్చింది. ఇక ఈ విషయాన్ని స్వయం గా మయాంక్ అగర్వాల్ తన అభిమానుల తో సోషల్ మీడియా వేదికగా పంచుకున్నాడు అని చెప్పాలి. కాగా ఈ మగ బిడ్డకు అయాన్ష్ అని ఒక నామకరణం చేశారు అని తెలుస్తుంది.
మా గుండెల నిండా ప్రేమ తో అయాన్ష్ ని పరిచయం చేస్తున్నాం. ఇతను దేవుడు ఇచ్చిన ఒక బహుమతి అంటూ మయాంక్ అగర్వాల్ ఈ గుడ్ న్యూస్ ని అభిమానుల తో పంచుకున్నాడు. ఇకపోతే విరాట్ కోహ్లీ తో పాటు మరి కొంత మంది భారత క్రికెటర్లు అభిమానులకు కూడా సోషల్ మీడియా వేదికగా స్పందిస్తూ అతనికి కంగ్రాట్యులేషన్స్ చెబుతున్నారు అని చెప్పాలి. ఇకపోతే ఈ ఏడాది జరిగిన ఇండియన్ ప్రీమియర్ లీగ్ సీసన్ లో మయాంక్ అగర్వాల్ పంజాబ్ కింగ్స్ జట్టుకి కెప్టెన్గా వ్యవహరించాడు అన్న విషయం తెలిసిందే.