వావ్.. సూర్య కుమార్ కు ప్రమోషన్?
అందరితో పోల్చి చూస్తే జట్టులోకి కాస్త ఆలస్యంగా ఎంట్రీ ఇచ్చినప్పటికీ తక్కువ సమయంలోనే అగ్రశ్రేణి బ్యాట్స్మెన్ గా ఎదిగాడు అని చెప్పాలి. అయితే నవంబర్ 18 నుంచి భారత జట్టు న్యూజిలాండ్ లో తొలి టీ20 సిరీస్ ఆడబోతుంది. రోహిత్ శర్మకు విశ్రాంతి ప్రకటించిన నేపథ్యంలో హార్దిక్ పాండ్యా ఇక ఈ టి20 సిరీస్ కు సారధ్య బాధ్యతలు వహించబోతున్నాడు. కేఎల్ రాహుల్, రోహిత్ శర్మ ఓపెనింగ్ జోడి ప్రస్తుతం విశ్రాంతిలో ఉన్న నేపథ్యంలో కొత్త ఓపెనింగ్ జోడి ఎవరు అన్నది ఆసక్తికరంగా మారిపోయింది.
ఈ క్రమంలోనే న్యూజిలాండ్తో జరగబోయే టి20 సిరీస్ లో భాగంగా సూర్య కుమార్ యాదవ్ కు ప్రమోషన్ రాబోతుంది అన్నది తెలుస్తుంది. ఓపెనర్లుగా శుభమన్ గిల్ తో పాటు నాలుగవ స్థానంలో బ్యాటింగ్ చేసే సూర్య కుమార్ యాదవ్ ను కూడా ఓపెనర్ గా పంపాలి అని టీమిండియా మేనేజ్మెంట్ భావిస్తున్నట్లు సమాచారం అయితే ఇప్పటికే శుభమన్ గిల్ కు అటు వన్డేలతో పాటు ఐపీఎల్ లో కూడా ఓపెనింగ్ చేసిన అనుభవం ఉంది. సూర్య కుమార్ యాదవ్ కూడా ఈ ఏడాది మొదట్లో కొన్ని మ్యాచ్లలో ఓపెనర్ గా తన సత్తా చూపించాడు అన్న విషయం తెలిసిందే. మరి ఇప్పుడు ఓపెనర్ గా సూర్య ఎలా రానిస్తాడో చూడాలి మరి.