రేపే ఆసియా కప్... బోణీ కొట్టేదెవరు ? ఎవరి బలం ఎంత ?
శ్రీలంక: శ్రీలంక జట్టుకు ఆల్ రౌండర్ దసున్ శనక కెప్టెన్ గా ఉన్నాడు. ఇతను బౌలింగ్ మరియు బ్యాటింగ్ లలో మంచి ఫామ్ లోనే ఉన్నాడు. మరి అదే ఫామ్ ను ఈ మ్యాచ్ లో కొనసాగిస్తే గెలుపు లాంఛనమే. ఇక బ్యాటింగ్ లో గుణతిలక, రాజపక్స, అసలంక, మెడిస్ లు స్థాయికి తగిన ప్రదర్శన చేస్తే ఆఫ్ఘన్ ను ఓడించడం సులభం అవుతుంది. ఇక బౌలింగ్ లో ఫాస్ట్ కన్నా కూడా స్పిన్ బౌలింగ్ ఈ పిచ్ ల మీద కీలకం అయ్యే అవకాశం ఉంది. లంక జట్టులో హాసరంగా మరియు తీక్షణ రూపంలో నాణ్యమైన స్పిన్నర్ లు ఉన్నారు. టీ 20 లలో ఆల్ రౌండర్ లది కీలక పాత్ర అని చెప్పాలి. అలా చూసుకుంటే శ్రీలంక టీం లో చమిక కరుణరత్నే, ధనంజయ డి సిల్వా లు బాధ్యత తీసుకోవాలి. వీరికి సహకారం అందించడానికి శనక మరియు హాసరంగా లు ఉన్నారు.
ఆఫ్ఘనిస్తాన్: ఆఫ్ఘన్ టీం ఇటీవల ప్రదర్శన చూస్తే ఏమంత బాగాలేదు అనే చెప్పాలి. దీనికి ఉదాహరణే ఇటీవల ఐర్లాండ్ తో ముగిసిన సిరీస్ లో ఓటమి చెందడం. అయితే ఆఫ్ఘన్ ను ఎప్పుడూ కూడా తక్కువ అంచనా వేయలేము. మహమ్మద్ నబి కెప్టెన్ గా ఛార్జ్ తీసుకున్నప్పటి నుండి జట్టు చెప్పుకోదగ్గ ప్రదర్శన చేయలేదు అని చెప్పాలి. ఇక బ్యాటింగ్ లో నజీబుల్లా జాడ్రాన్, ఒమర్ జై, హాజరథుల్లా జాజై, షాహిద్ లు రాణించాల్సిన అవసరం ఉంది. కాగా బౌలింగ్ లో నవీన్ ఉల్ హాక్, రషీద్ ఖాన్ మరియు ముజీబ్ లే కీలకం కానున్నారు.
మరి ఈ మ్యాచ్ లో దాదాపుగా గెలిచే అవకాశం శ్రీలంక జట్టుకే ఉంది. ఇక ఎప్పటిలాగే ఆ రోజు ఎవరు ఉత్తమంగా ఆడితే వారిదే విజయం.