തനിക്കെതിരെ അൻവറിനെ കൊണ്ട് ആരോപണം ഉന്നയിപ്പിച്ചത് മുഖ്യമന്ത്രി; വിഡി സതീശൻ!
തനിക്കെതിരെ അൻവറിനെ കൊണ്ട് ആരോപണം ഉന്നയിപ്പിച്ചത് മുഖ്യമന്ത്രി; വിഡി സതീശൻ! വ്യക്തിപരമായ ഇഷ്ടാനിഷ്ടങ്ങൾക്ക് പ്രസക്തിയില്ല. രാഷ്ട്രീയമായ തീരുമാനം രാഷ്ട്രീയമായ സാഹചര്യങ്ങൾക്ക് അനുസരിച്ച് തീരുമാനിക്കുമെന്നും ഉചിതമായ സമയത്ത് തീരുമാനമെടുക്കുമെന്നും വിഡി സതീശൻ പറഞ്ഞു. പിവി അൻവറിനെക്കൊണ്ട് തനിക്കെതിരെ ആരോപണം ഉന്നയിപ്പിച്ചത് മുഖ്യമന്ത്രി പിണറായി വിജയനാണെന്ന് പ്രതിപക്ഷ നേതാവ് വിഡി സതീശൻ. അതേ പിണറായി വിജയനെതിരെ അൻവർ ഇനി കൂടുതലായി എന്തെങ്കിലും പറയാനുണ്ടോ? അതാണ് കാലത്തിന്റെ കാവ്യനീതി. അത് സംഭവിച്ചു കഴിഞ്ഞു. എന്താണ് സംഭവമെന്ന് ആദ്യം അന്വേഷിക്കട്ടെ. സംഭവത്തിന്റെ സത്യാവസ്ഥ പുറത്തു വരാതെ പ്രതികരിക്കുന്നത് ശരിയല്ല. കത്തുമായി എത്തിയപ്പോൾ താൻ മോശമായി പെരുമാറിയിട്ടില്ല. ക്ലാരിറ്റി ഇല്ലെന്ന് താൻ പറഞ്ഞന്നൊണ് അവർ പറഞ്ഞത്.
അത് ശരിയാണ്. കത്തിലെ ചില ഭാഗങ്ങൾ വായിച്ചാൽ മനസിലാകില്ല. അതേക്കുറിച്ച് ക്ലാരിറ്റി വരുത്തി. അവരുടെ മുന്നിൽവെച്ചാണ് മുഴുവൻ വായിച്ചു നോക്കിയത്. മോശമായി ഒരു വാക്ക് പോലും പറഞ്ഞിട്ടില്ല. ഈ കത്ത് കിട്ടിയിട്ടില്ലെന്ന് പ്രതിപക്ഷ നേതാവ് പറഞ്ഞു എന്ന് മാധ്യമ പ്രവർത്തകൻ ചോദിച്ചാൽ അവർ സ്വാഭാവികമായും പ്രകോപിതരാകും. എന്തിനാണ് ഇങ്ങനെ മാധ്യമ പ്രവർത്തനം നടത്തുന്നത്. കിട്ടിയിട്ടില്ലെന്ന് ഞാൻ എവിടെയെങ്കിലും പറഞ്ഞിട്ടുണ്ടോ? ആദ്യമായാണ് മാധ്യമങ്ങൾ ഇതേക്കുറിച്ച് തന്നോട് ചോദിക്കുന്നതെന്നും അദ്ദേഹം പറഞ്ഞു. കത്ത് നൽകിയിട്ട് 10 ദിവസം വെയിറ്റ് ചെയ്യുമെന്ന് അവർ തന്നെയാണ് പറഞ്ഞത്. എല്ലാവരുമായി സംസാരിച്ചു കൊണ്ടിരിക്കുന്നതിനിടെ രണ്ട് ദിവസം മുൻപ് അവർ തന്നെ കത്ത് പുറത്തുവിട്ടു.
അന്വേഷിച്ച് ഒരു തീരുമാനം എടുക്കണ്ടെ? കെപിസിസി പ്രസിഡന്റുമായും നേതാക്കളുമായും ആലോചിച്ചേ ഇക്കാര്യത്തിൽ തീരുമാനം എടുക്കാനാകൂ. അവരുടെ മുന്നിൽവെച്ച് തന്നെയാണ് താൻ കത്തിലെ ആദ്യ വാചകം മുതൽ അവസാന വാചകം വരെ വായിച്ചു മനസിലാക്കിയത്. വ്യക്തത കുറവുള്ള ഭാഗം അവരോട് ചോദിച്ചു മനസിലാക്കി. അതല്ലേ മര്യാദയെന്നും വിഡി സതീശൻ ചോദിച്ചു.കിട്ടിയിട്ടില്ലെന്ന് പ്രതിപക്ഷ നേതാവ് പറഞ്ഞതെന്ന് ആ മാധ്യമ പ്രവർത്തകൻ മകനോടും ഭാര്യയോടുമാണ് ചോദിച്ചത്. അവരെ പ്രകോപിപ്പിച്ച് എനിക്കെതിരെ പറയാനാണ് ശ്രമിച്ചത്. എന്തിനാണ് ഇങ്ങനെയുള്ള പണിക്ക് പോകുന്നത്? ഇതാണോ മാധ്യമ പ്രവർത്തനം? പാർട്ടിയിലെ എല്ലാവരും ആലോചിച്ച് മറുപടി പറയാമെന്നാണ് അവരോട് പറഞ്ഞത്. പക്ഷെ ഇപ്പോൾ കത്ത് പുറത്തു വന്നു. കെപിസിസി അധ്യക്ഷൻ തന്നെ അതേക്കുറിച്ച് അന്വേഷിക്കാൻ കമ്മിറ്റിയ ചുമതലപ്പെടുത്തി.
ആ കമ്മിറ്റി അന്വേഷിച്ചു കൊണ്ടിരിക്കുമ്പോൾ താൻ അതേക്കുറിച്ച് അഭിപ്രായം പറയുന്നത് ഇമ്മെച്യുറാണെന്നും വിഡി സതീശൻ പറഞ്ഞു. വയനാട്ടിലെ ഡിസിസി ട്രഷററുടെ മരണം സംബന്ധിച്ച് പാർട്ടി അന്വേഷിക്കുകയാണ്. രണ്ട് ദിവസം മുൻപാണ് കുടുംബാംഗങ്ങൾ കത്ത് തന്നത്. അതേക്കുറിച്ച് വിശദമായി ചോദിച്ചറിഞ്ഞു. അവ്യക്തതയുള്ള ഭാഗങ്ങൾ അവരോട് തന്നെ വിശദമായി ചോദിച്ചറിഞ്ഞു. എന്നിട്ടാണ് രാവിലെ ഒരു ചാനലിൽ ഒരു മാധ്യമ പ്രവർത്തകൻ, ഈ കത്ത് കിട്ടിയിട്ടില്ലെന്നാണ് പ്രതിപക്ഷ നേതാവ് പറഞ്ഞതെന്നും നിങ്ങൾക്ക് എന്താണ് അഭിപ്രായമെന്നും ചോദിച്ചത്. ഇങ്ങനെ മാധ്യമ പ്രവർത്തനം നടത്തരുത്. അങ്ങനെയൊരു കത്ത് കിട്ടിയിട്ടില്ലെന്ന് താൻ പറഞ്ഞിട്ടില്ല. ഇപ്പോഴാണ് അതേക്കുറിച്ച് പ്രതികരിക്കുന്നത്. ആ കത്ത് തന്റെ കയ്യിൽ കിട്ടി. പറവൂരിലെ ഓഫീസിൽ വന്നാണ് കത്ത് നൽകിയതെന്നും അദ്ദേഹം പറഞ്ഞു.