മോദി യുഎസിൽ മൂണിന് ദിവസം; ബൈഡൻ്റെ ജന്മനാട്ടിൽ ക്വാഡ് ഉച്ചകോടി!
മോദി യുഎസിൽ മൂണിന് ദിവസം; ബൈഡൻ്റെ ജന്മനാട്ടിൽ ക്വാഡ് ഉച്ചകോടി! എയർ ഇന്ത്യ വൺ വിമാനത്തിൽ പ്രാദേശിക സമയം രാവിലെ 10 മണിയോടെ (ഇന്ത്യൻ സമയം രാത്രി 7:30) മോദി ഫിലഡെൽഫിയ അന്താരാഷ്ട്ര വിമാനത്താവളത്തിൽ ഇറങ്ങി. അമേരിക്കയിലെ വിവിധ ഭാഗങ്ങളിൽ നിന്നുള്ള ഇന്ത്യൻ സമൂഹം മോദിയെ സ്വീകരിച്ചു. പ്രസിഡൻ്റ് ജോ ബൈഡൻ ആതിഥേയത്വം വഹിക്കുന്ന ക്വാഡ് ഉച്ചകോടിയിൽ മോദി പങ്കെടുക്കും. കൂടാതെ, യുഎൻ പൊതുസഭയിലെ ഭാവി ഉച്ചകോടിയെ അഭിസംബോധന ചെയ്യും. പ്രധാനമന്ത്രി നരേന്ദ്ര മോദി മൂന്നു ദിവസത്തെ സന്ദർശനത്തിനായി യുഎസിലെത്തി. സന്ദർശനത്തിന്റെ രണ്ടാം ദിനമായ 22ന് മോദി ന്യൂയോർക്കിലെത്തും. തുടർന്ന് ന്യൂയോർക്കിലെ ഇന്ത്യൻ സമൂഹത്തെ അഭിസംബോധന ചെയ്യും.
അമേരിക്കൻ ബിസിനസ് നേതാക്കളുമായും മോദി സംവദിക്കും. 23ന് ന്യൂയോർക്കിലെ യുഎൻ പൊതുസഭയിലെ ഭാവി ഉച്ചകോടിയെ അഭിസംബോധന ചെയ്യും. 'ഒരു നല്ല നാളേയ്ക്കുള്ള ബഹുമുഖ പരിഹാരങ്ങൾ' എന്ന ആശയത്തിലൂന്നിയാണ് ഉച്ചകോടി നടക്കുക. ഉച്ചകോടിക്കിടെ മറ്റ് രാജ്യങ്ങളിലെ നേതാക്കളുമായി മോദി ഉഭയകക്ഷി ചർച്ച നടത്തുമെന്ന സൂചനയുണ്ട്. യുഎസ് മുൻ പ്രസിഡൻ്റ് ഡൊണാൾഡ് ട്രംപ് മോദിയുമായി കൂടിക്കാഴ്ച നടത്തിയേക്കുമെന്ന് സൂചിപ്പിച്ചിരുന്നെങ്കിലും ഇക്കാര്യം വിദേശകാര്യ മന്ത്രാലയം സ്ഥിരീകരിച്ചിട്ടില്ല. പ്രസിഡന്റ് ബൈഡൻ ജന്മനാടായ വിൽമിങ്ടണിലാണ് ക്വാഡ് (ക്വാഡ്രിലാറ്ററൽ സെക്യൂരിറ്റി ഡയലോഗ്) ഉച്ചകോടിക്ക് ആതിഥേയത്വം വഹിക്കുന്നത്. ഓസ്‌ട്രേലിയ, ഇന്ത്യ, ജപ്പാൻ, യുഎസ് എന്നീ രാജ്യങ്ങൾ ഉൾപ്പെടുന്ന തന്ത്രപ്രധാന സഖ്യമാണ് ക്വാഡ്.
മോദിക്കു പുറമേ, ഓസ്ട്രേലിയൻ പ്രധാനമന്ത്രി ആന്തണി അൽബാനീസ്, ജപ്പാൻ പ്രധാനമന്ത്രി ഫുമിയോ കിഷിദ എന്നിവരും ഉച്ചകോടിയിൽ പങ്കെടുക്കും. ആദ്യമായാണ് ബൈഡൻ ജന്മനാടായ വിൽമിങ്ടണിലേക്ക് ആഗോള നേതാക്കളെ ക്ഷണിക്കുന്നതെന്നത് ശ്രദ്ധേയമാണ്. ലോകത്തിലെ ഏറ്റവും വലുതും പഴക്കമുള്ളതുമായ ജനാധിപത്യ രാജ്യങ്ങൾ തമ്മിലുള്ള അതുല്യമായ പങ്കാളിത്തത്തിന് ഊർജം പകരുന്ന ഇന്ത്യൻ പ്രവാസികളുമായും അമേരിക്കൻ ബിസിനസ് നേതാക്കളുമായും സംവദിക്കാൻ ആകാംക്ഷയോടെ കാത്തിരിക്കുകയാണ്. മാനവരാശിയുടെ പുരോഗതിക്കായി ആഗോള സമൂഹത്തിന് മുന്നോട്ടുള്ള പാതയുടെ രേഖാചിത്രം തയ്യാറാക്കാനുള്ള അവസരമാണ് ഭാവി ഉച്ചകോടി.
ലോകത്തിലെ മാനവരാശികളിൽ സമാധാനപരവും സുരക്ഷിതവുമായ ഭാവിക്കുള്ള അവകാശികളിൽ ഏറ്റവും ഉയർന്നവരായ ആറിലൊന്നിന്റെ വീക്ഷണം താൻ പങ്കുവെക്കുമെന്നും മോദി കൂട്ടിച്ചേർത്തു. ഇൻ്റോ - പസഫിക് മേഖലയിലെ സമാധാനത്തിനും പുരോഗതിക്കും സമൃദ്ധിക്കും വേണ്ടി പ്രവർത്തിക്കുന്നതിന് സമാന ചിന്താഗതിയുള്ള രാജ്യങ്ങളുടെ ഒരു പ്രധാന ഗ്രൂപ്പായി ക്വാഡ് ഉയർന്നുവന്നിട്ടുണ്ടെന്ന് നരേന്ദ്ര മോദി പറഞ്ഞു. പ്രസിഡന്റ് ബൈഡനുമായുള്ള കൂടിക്കാഴ്ചയിലൂടെ നമ്മുടെ ജനങ്ങളുടെയും ആഗോള നന്മയുടെയും ഗുണത്തിനായി ഇന്ത്യ - യുഎസ് സമഗ്ര ആഗോള തന്ത്രപരമായ പങ്കാളിത്തം കൂടുതൽ ആഴത്തിലാക്കുന്നതിനുള്ള പുതിയ പാതകൾ അവലോകനം ചെയ്യാനും തിരിച്ചറിയാനും സാധിക്കുമെന്ന് മോദി പറഞ്ഞു.