കെ ഫോൺ ജൂൺ അഞ്ചിന് വീടുകളിലെത്തും:
14,000 കണക്ഷനുകൾ ആദ്യം നടപ്പിലാക്കും! ഉദ്ഘാടന സമയത്ത് 2500 വീടുകളിൽ ഇന്റർനെറ്റ് സൗകര്യം ലഭ്യമാക്കുമെന്ന് കെ ഫോൺ അധികൃതർ പറഞ്ഞതായി മനോരമ ഓൺലൈൻ റിപ്പോർട്ട് ചെയ്തു. സംസ്ഥാനത്തെ 20 ലക്ഷത്തോളം വരുന്ന സാമ്പത്തികമായി പിന്നാക്കം നിൽക്കുന്ന കുടുംബങ്ങൾക്ക് സൗജന്യമായും മറ്റുള്ളവർക്ക് മിതമായ നിരക്കിലും അതിവേഗ ഇന്റർനെറ്റ് സൗകര്യം ലഭ്യമാക്കുകയാണ് പദ്ധതിയുടെ ഉദ്ദേശം. എല്ലാവർക്കും ഇന്റർനെറ്റ് സൗകര്യം ലഭ്യമാക്കുകയെന്ന ലക്ഷ്യത്തോടെ സർക്കാർ നടപ്പാക്കുന്ന കെ ഫോൺ പദ്ധതിയുടെ ഉദ്ഘാടനം ജൂൺ അഞ്ചിന് നടക്കും. എല്ലാവർക്കും ഇന്റർനെറ്റ് സൗകര്യം ലഭ്യമാക്കുകയെന്ന ലക്ഷ്യത്തോടെ സർക്കാർ നടപ്പാക്കുന്ന കെ ഫോൺ പദ്ധതിയുടെ ഉദ്ഘാടനം ജൂൺ അഞ്ചിന് നടക്കും.
ഉദ്ഘാടന സമയത്ത് 2500 വീടുകളിൽ ഇന്റർനെറ്റ് സൗകര്യം ലഭ്യമാക്കുമെന്ന് കെ ഫോൺ അധികൃതർ പറഞ്ഞതായി മനോരമ ഓൺലൈൻ റിപ്പോർട്ട് ചെയ്തു. നിലവിൽ മറ്റ് കമ്പനികൾ നൽകുന്നതിനേക്കാൾ കുറഞ്ഞ നിരക്കിൽ ഇന്റർനെറ്റ് ലഭ്യമാക്കുമെന്നാണ് സർക്കാർ വ്യക്തമാക്കുന്നത്. നിലവിൽ നിരക്ക് പ്രഖ്യാപിച്ചിട്ടില്ല. താരിഫ് ഉദ്ഘാടന വേളയിലായിരിക്കും പ്രഖ്യാപിക്കുകയെന്ന് കെ ഫോൺ അധികൃതർ പറഞ്ഞു. ഇന്നത്തെ കണക്ക് അനുസരിച്ച് 9000 വീടുകളിലേക്ക് ഇന്റർനെറ്റ് കണക്ഷൻ നൽകുന്നതിനായി കേബിൾ വലിച്ചു. ഈ മാസം 14000 കണക്ഷനുകൾ നൽകുമെന്നാണ് അധികൃതർ വ്യക്തമാക്കുന്നത്.
നിലവിൽ 18,240 സർക്കാർ സ്ഥാപനങ്ങളിൽ കണക്ഷൻ നൽകിയിട്ടുണ്ട്. 26,592 സ്ഥാപനങ്ങളിലേക്ക് കേബിൾ വലിച്ചെങ്കിലും റോഡുകളുടെ അറ്റകുറ്റ പണികൾ നടക്കുന്നതിനാൽ കണക്ഷൻ നൽകാൻ കഴിഞ്ഞിട്ടില്ല. സ്വകാര്യ കേബിൾ നെറ്റ്വർക്കാണ് വീടുകളിലേക്ക് കേബിൾ വലിച്ച് മോഡം സ്ഥാപിക്കുന്നത്. 3,200 രൂപയാണ് ഒരു വീട്ടിലേക്ക് കേബിൾ വലിക്കുന്നതിന് ടെൻഡറിൽ ആവശ്യപ്പെട്ടത്. എന്നാൽ പിന്നീട് ഇത് 124 രൂപയായി ചുരുക്കി. കേബിൾ വലിക്കുന്നതിന്റെയും മോഡം സ്ഥാപിക്കുന്നതിന്റെയും ചെലവ് കമ്പനിയാണ് വഹിക്കുന്നത്. ഒരു കണക്ഷൻ സ്ഥാപിക്കുന്നതിന് കമ്പനിക്ക് 5,000 രൂപ ചെലവ് വരുമായിരുന്നു.
പദ്ധതിയുമായി സഹകരിക്കുന്നതിനാലാണ് ഇളവ് നൽകിയതെന്ന് അധികൃതർ പറയുന്നു. ആദ്യഘട്ടത്തിൽ ഇന്റർനെറ്റ് കണക്ഷൻ ലഭിക്കുന്നതിനായി 13,500 പേരുടെ പട്ടികയാണ് നൽകിയിരിക്കുന്നത്. വീടുകളിലേക്കും സർക്കാർ സ്ഥാപനങ്ങളിലേക്കും എത്രദൂരം കേബിളുകൾ വലിക്കണമെന്നതു സംബന്ധിച്ച് സർവേ നടത്തും. പിന്നീട് കേബിളുകളും മോഡവും സ്ഥാപിക്കും. അപേക്ഷകൾക്ക് അംഗീകാരം ലഭിക്കുന്നതോടെ യൂസർ ഐഡിയും പാസ്വേർഡും നൽകും.