బిపిన్ రావత్ స్థానంలో కొత్తగా ఎవరు రాబోతున్నారంటే?
ఇక మృతదేహాల గుర్తింపు ను డీఎన్ఏ పరీక్ష ద్వారా గుర్తిస్తున్నారు ఆర్మీ ఆర్మీ అధికారులు. నీలగిరి జిల్లా కోణార్క్ వెల్లింగ్టన్ లో సైనికాధికారులు శిక్షణ కళాశాల కేంద్రాలు ఉన్నాయి. అయితే ఇక్కడ ఓ కార్యక్రమానికి హాజరు కావడానికి వస్తున్న సమయంలో ఈ ప్రమాదం చోటు చేసుకున్నట్లు తెలుస్తోంది.. త్రివిధ దళాధిపతి బిపిన్ రావత్ ఈ ప్రమాదంలో మరణించడం పై ప్రస్తుతం దేశం మొత్తం దిగ్భ్రాంతి వ్యక్తం చేస్తోంది. భారత ఆర్మీ లో ఆయన చేసిన సేవలను గుర్తు చేసుకుంటూ ఎంతో మంది సంతాపం తెలియజేస్తూ ఉన్నారు. ఇకపోతే జనరల్ బిపిన్ రావత్ మరణంతో తదుపరి సీడీఎస్ అనే దానిపై చర్చ మొదలైంది.
అయితే ప్రస్తుత విషాదకర సమయాల్లో కూడా భద్రత విషయంలో రాజీ పడకూడదు అనే సూత్రాన్ని ప్రస్తుతం కేంద్ర ప్రభుత్వం అనుసరిస్తున్నట్లు తెలుస్తోంది. ఈ క్రమంలోనే మోదీ అత్యవసర కేబినెట్ భేటీ నిర్వహించి తర్వాత సీడీఎస్ ఎవరు అనే విషయం పై చర్చ జరపనున్నట్లు తెలుస్తోంది.. ప్రస్తుతం ఆర్మీ చీఫ్ గా ఉన్న మనోజ్ ముకుంద నరవనే ను త్రివిధ దళాధిపతి గా నియమించే అవకాశం ఉంది అన్న టాక్ వినిపిస్తోంది. అదే సమయంలో వైస్ సీడీఎస్ గా కొనసాగుతున్న ఎయిర్ మార్షల్ రాధాకృష్ణ పేరును కూడా కేంద్ర ప్రభుత్వం పరిశీలిస్తున్నట్లు తెలుస్తోంది.