ఏపీ ప్రభుత్వానికి.. సినీ గండం తప్పదేమో..!
సినీ పరిశ్రమలో కూడా లోపాలు ఉండొచ్చు, వాటిని సరిదిద్దటానికి ఆ వ్యవస్థ పూనుకుంటే ఒకరకంగా ఉంటుంది. అలా కావడం లేదు అన్న పక్షంలో వేరే మార్గాలు వెతుక్కోవడం తప్పేమి కాదు. అలా ఒక ప్రభుత్వం దగ్గరకు కొందరు సినీ ప్రముఖులు వెళ్లడం, ఆన్ లైన్ పై వినతులు ఇవ్వడం జరిగి ఉండొచ్చు. ఇక్కడ ఎప్పటి నుండో పరిశ్రమలు పేరుకుపోయిన సమస్యల పరిష్కారం కోసం కొందరు ఎదురు చూస్తున్నారు. వీరందరికి ప్రభుత్వమే ఏదైనా చేస్తుందేమో అని ఆలోచించి వారిని కలిసి ఉండొచ్చు, లేదా వీళ్లే ఒక ఆలోచన చేసుకొని, మాకు ఇలాంటి ఒక పద్దతిని ఏర్పాటు చేయాలని ప్రభుత్వాన్ని కోరవచ్చు.
సినిమా వాళ్ళు ప్రభుత్వం దగ్గరకు ఒక ముందస్తు ఆలోచనతో వచ్చి ఉంటె, ప్రభుత్వం వాళ్ళ కోరికను మన్నిస్తూ, తమకు కావాల్సిన పని చేసి పెడుతుంది. ఇది ప్రభుత్వం బాధ్యత. అలా కాకుండా సినీ పరిశ్రమలో పలానా లోపాలు ఉన్నాయి, మేము సర్దుతాము అని ప్రభుత్వం జోక్యం చేసుకుంటే మాత్రం అది కాస్త వేరే వ్యవహారం అయ్యే అవకాశం ఉంది. ఇక్కడ కొందరు నిర్మాతలు తమకు నష్టాలు వస్తున్నాయనో లేదా సినిమా థియేటర్ల యాజమాన్యాలు తమకు నష్టాలు వస్తున్నాయనో మొరపెట్టుకుంటేనో ప్రభుత్వం జోక్యం చేసుకోవడం సమంజసమే. కానీ అది సినీ పరిశ్రమలో పెద్దలను కూర్చుపొట్టి మాట్లాడటం ద్వారా ఒక నిర్ణయానికి వస్తేనే మంచి పరిణామంగా మారుతుంది. అందరికి మేలు చేసే మార్గం అవుతుంది.