సోము వీర్రాజు కు ఫుల్ సపోర్ట్ వచ్చినట్టే...?
రాజకీయంగా ప్రస్తుతం ఉన్న పరిస్థితుల్లో బీజేపీకి నిలబడటం అలాగే వచ్చే ఎన్నికల్లో ఎక్కువ స్థానాలు గెలవడం అనేది సాధ్యం అయ్యేపని కాదు కానీ రాష్ట్ర ప్రభుత్వాన్ని ఇబ్బంది పెట్టడానికి జనసేన పార్టీతో కలిసి ముందుకు వెళితే మాత్రం మంచి ఫలితాలు ఉంటాయి అనే మాట వాస్తవం. అయితే జనసేన పార్టీతో కలిసి ముందుకు వెళ్లడానికి సోము వీర్రాజు సుముఖంగా లేరని చాలా అంశాలకు సంబంధించి పవన్ కళ్యాణ్ తో ఆయన విభేధిస్తున్నారని చాలా మంది అభిప్రాయపడుతున్నారు.
అయితే అమరావతి విషయంలో రాష్ట్ర ప్రభుత్వం వెనక్కు తగ్గిన నేపథ్యంలో సోము వీర్రాజు ఇమేజ్ కాస్త పెరిగిందని ఇటీవలి కాలంలో సోము వీర్రాజు కి బాగా కలిసివచ్చే అంశమని పలువురు బీజేపీ నాయకులు అభిప్రాయపడుతున్నారు. సోము వీర్రాజు రాష్ట్ర ప్రభుత్వాన్ని ఒత్తిడి చేయడానికి కేంద్ర నాయకత్వంతో కలిసి పని చేస్తున్నారని కొంతమంది ఆయన సన్నిహితులు మాట్లాడటం గమనార్హం. అమరావతి ఉద్యమానికి సంబంధించి సోము వీర్రాజు సలహాతో కేంద్ర మంత్రి చెప్పారు అని కొంతమంది బీజేపీ నాయకులు అనడం కూడా ఈ మధ్యకాలంలో ఆశ్చర్యపరచిన అంశం గా చెప్పాలి. మరి భవిష్యత్తులో సోము వీర్రాజు కి ఎటువంటి పరిస్థితులు ఉండబోతున్నాయి ఏంటి అనేది చూడాలి.