కడప మీద చంద్రబాబు గురి ఎందుకు...?
జమ్మలమడుగు నియోజకవర్గం నుంచి కొంతమంది కీలక నాయకులు తెలుగుదేశం పార్టీలో చేరే అవకాశాలు కనబడుతున్నాయి. అలాగే కొంతమంది వైసీపీ నాయకులతో కలిసి మాజీ మంత్రి డీఎల్ రవీంద్రారెడ్డి తెలుగుదేశం పార్టీలో చేరేందుకు మార్గం సుగమం చేసుకున్నారు. ఈ నెలలో కచ్చితంగా డీఎల్ రవీంద్రారెడ్డి తన సన్నిహితులతో కలిసి తెలుగుదేశం పార్టీలో చేరే అవకాశాలు ఉన్నాయి. డీఎల్ రవీంద్రారెడ్డి తో పాటుగా మరికొంతమంది కీలక నాయకులు కూడా తెలుగుదేశం పార్టీలోకి వచ్చేందుకు చర్చలు జరుపుతున్నారని మాజీ ఎమ్మెల్సీ తులసి రెడ్డి కూడా పార్టీ మారవచ్చని అంటున్నారు.
వీరితో పాటుగా మండల స్థాయి నాయకులతో కూడా తెలుగుదేశం పార్టీ అధిష్టానం నేరుగా చర్చ జరుపుతుంది అనే వార్తలు వినపడుతున్నాయి. అదేవిధంగా జమ్మలమడుగు నియోజకవర్గానికి చెందిన మాజీ మంత్రి ఆదినారాయణ రెడ్డి పార్టీ మారేందుకు చంద్రబాబు నాయుడుతో మాట్లాడుతున్నారని ఇప్పటికే జిల్లా నాయకులతో కూడా చర్చలు జరిపారని అలాగే మాజీ మంత్రి రామసుబ్బారెడ్డి కూడా పార్టీ మారేందుకు రెడీ అయ్యారు అని అంటున్నారు. మీ అందరికీ కూడా చంద్రబాబు నాయుడు నుంచి స్పష్టమైన హామీ వస్తే భవిష్యత్తు ఇబ్బందుల గురించి క్లారిటీ వస్తే కచ్చితంగా పార్టీలోకి రావడానికి సిద్ధమవుతున్నారని అంటున్నారు.