ప్రపంచ సైన్యం ఎంత .. తాలిబన్ బ్రతుకెంత .. ఆఫ్ఘన్ పాపం అందరిదీ ..
ఇప్పటి ఆఫ్ఘన్ ప్రజల బాధలకు ప్రపంచ దేశాలు అన్నీ కారణం అంటుంది సమసమాజం. అది నిజమే ఇంతమంది ఉండగా ఒక తీవ్రవాద సంస్థ ఆఫ్ఘన్ ను ఆక్రమించడం, వారికంటూ ఒక దేశాన్ని ఏర్పాటు చేసుకోవడం అందరిని ఆశ్చర్యానికి గురిచేసింది. దీనికి మొదటే అడ్డుకట్ట వేయడం ప్రారంభించి ఉన్నట్టయితే నేడు ఆఫ్ఘన్ ప్రజల కు ఇలాంటి బాధలు ఉండేవికావు. ఒకవేళ కనీసం ఆఫ్ఘన్ ప్రజలు స్వేచ్ఛగా తమకు ఇష్టమైన దేశానికీ వెళ్లిపోవచ్చు అనే అంశం ఉన్నా కూడా కాస్త మెరుగ్గా ఉండేది. ప్రస్తుతం ఆ అవకాశం కూడా లేకపోవడం శోచనీయం. ఆఫ్ఘన్ దేశీయుల పరిస్థితి మార్పు ప్రపంచ దేశాల సైన్యం కల్పించుకుంటేనే మారుతుంది. లేదంటే ఇలా ఎన్నాళ్ళు, ఈ లోపు తాలిబన్ లు వీళ్ళను మానవ బాంబులుగా మార్చేసుకుంటే పరిస్థితి ఏమిటి అనేది కూడా ఇతరదేశాల ఆలోచించాల్సిన అవసరం ఉంది.
ఇప్పటికే ఆఫ్ఘన్ లో ప్రపంచంలోని తీవ్రవాద సంస్థలన్నీ ఒక్క చోట చేరి పండగ చేసుకుంటున్నట్టు తెలుస్తుంది. ఇది కూడా ఒకందుకు మంచిదే, యదవలు అంతా ఒక్కచోటే దొరికారు, అందరిని కలిసి ఏసేస్తే అనే ఆలోచన ఇన్ని దేశాలు, ఇంత సైన్యం ఎందుకు ధైర్యం చేయలేకపోతోంది..! అనేది ఆలోచించాల్సిన సందర్భం. సమసమాజంలో మృగాలు తిరుగుతూ పసిపిల్లలపై విరుచుకు పడితే వారిని వెతికి మరీ ఉరి వేస్తున్నాం మరి అలాంటి వారు ఉన్న దేశమే తయారైతే ప్రపంచం పరిస్థితి ఏమిటో ఊహించగలమా! అలాంటి దేశం ఉండాలా .. నాశనం చేయాలా అనేది ఆయా దేశాల లో కలగాల్సిన కనీస ఆలోచన. ఇటువంటి వారిని ఉపేక్షించడం ప్రపంచ శాంతికి మంచిది కాదు.