ప్రశాంత్కు పోటీగా టీడీపీకి ఆయనే..!
వచ్చే ఏడాది మార్చి నుంచి పీకే టీం రంగంలోకి దిగబోతుందని, ప్రభుత్వ పాలన, సంక్షేమ పథకాల అమలు, మంత్రులు, ఎమ్మెల్యేల పనితీరు వంటి అంశాలపై సమగ్ర సర్వే నిర్వహిస్తుందని జగన్ హింట్ ఇచ్చారు. అంటే నెక్స్ట్ ఎన్నికల్లో కూడా పీకేని పెట్టుకునే జగన్ రంగంలోకి దిగబోతున్నారని తెలుస్తోంది. గత ఎన్నికల ముందు పీకే...జగన్ కోసం పనిచేసిన విషయం తెలిసిందే. ఆయన టీం ఏ రకంగా జగన్ చేత రాజకీయం నడిపించిందో అందరికీ తెలిసిందే. వారి రాజకీయ ఎత్తుగడలకు చంద్రబాబు చిత్తు అయిపోయారు. గత ఎన్నికల్లో వైసీపీ దెబ్బకు టిడిపి చిత్తుగా ఓడింది.
అయితే ఇప్పుడు అధికారంలో కొనసాగుతున్న జగన్...తన సొంత వ్యూహాల కంటే మళ్ళీ పీకే టీం వ్యూహాలతోనే రాజకీయం చేయాలని డిసైడ్ అయ్యారని తెలుస్తోంది. ఎలాగైనా రెండోసారి అధికారంలోకి రావాలని జగన్ గట్టిగానే ప్రయత్నిస్తున్నారు. ఈ క్రమంలోనే మళ్ళీ పీకేని పెట్టుకుంటేనే గెలుపు సాధ్యమవుతుందని భావిస్తున్నట్లు తెలుస్తోంది.
అయితే వైసీపీ కోసం పీకే రంగంలోకి దిగితే, టిడిపి తరుపున రాజకీయ వ్యూహాలు పన్నేది ఎవరని అంతా ఆసక్తిగా ఎదురుచూస్తున్నారు. టీడీపీకి పీకే అవసరం లేదని, వచ్చే ఎన్నికల్లో చంద్రబాబు ఫోటో పెట్టుకుని గెలుస్తామని టిడిపి నేతలు మాట్లాడుతున్నారు. తనపై నమ్మకం లేకే జగన్...పీకే టీంని రంగంలోకి దింపుతున్నారని విమర్శిస్తున్నారు. అయితే టిడిపి కోసం రాబిన్ శర్మ వ్యూహకర్తగా పనిచేస్తున్నారని చాలా కాలం నుంచి ప్రచారం జరుగుతుంది. మరి ఎన్నికల సమయంలో ఎవరి వ్యూహాలు పనిచేస్తాయో చూడాలి.