મહારાષ્ટ્રમાં દિલ્હી જેવી થઇ, એક જ જગાયાએ ફસાયા હતા 1300 લોકો
કોરોના વાયરસમાં સરકાર ગળાફાડી ફાડીને ઘરમાં રહેવા કહી રહી છે ત્યારે મહારાષ્ટ્રના લાતુર જિલ્લામાં દિલ્હીના મરકત જેવી જ ઘટના સામે આવી છે. રાઠોડા ગામે લોકડાઉનમાં ફસાયેલા 1300 જેટલા લોકોને ખાનગી બસ દ્વારા તેમના ગામ જાધવવાડી મોકલવામાં આવી રહ્યા છે. જાધવવાડી પુના જિલ્લામાં આવે છે.
જેમને ખાનગી બસો દ્વારા મોકલાયા છે તે તમામ મહાનુભવ પંથના સત્સંગ કાર્યક્રમમાં ભાગ લેવા રાઠોડા ગામે આવ્યા હતા. તમને જણાવી દઈએ કે, ફેબ્રુઆરીથી અહીં સત્સંગ ચાલી રહ્યો હતો. સત્સંગને કારણે લોકડાઉનની જાહેરાત થતાં લોકો અહીં અટવાઈ ગયા હતા. ચારથી પાંચ દિવસ પહેલા ભારે વરસાદ પડ્યો હતો અને વરસાદમાં સત્સંગનો મંડપ તૂટી ગયો હતો. રસોઈ સામગ્રી પણ બગડી ગઈ. આને કારણે, આ મહાનુભવી સાધકોને તેમના માથા છુપાવવા માટે મંદિરો અને શાળાઓનો આશરો લેવો પડ્યો.
તેમની સ્થિતિને ધ્યાનમાં રાખીને વહીવટી તંત્રે આ તમામ લોકોને ખાનગી બસો દ્વારા તેમના ગામ જાધવવાડી આશ્રમમાં પાછા ફરવાની મંજૂરી આપી છે. આ લોકોને મોકલવા માટે, 22 મુસાફરોને 44-સીટની બસમાં પૂણેમાં જાધવવાડી મોકલવામાં આવી રહ્યા છે. હાલમાં, 32 બસો ઉપલબ્ધ છે. આ બસોથી બધા સાધકોને પાછા મોકલવામાં ત્રણ દિવસનો સમય લાગશે. વહીવટી તંત્ર આ તમામ સાધકોનું ધ્યાન આપી રહ્યું છે. આ બધા સાધકોને ટેસ્ટ કર્યા પછી જ આગળ વધવાની છૂટ છે.