"ఏపీ సీఎం పవన్ కళ్యాణ్".... హైపర్ ఆది కోరిక తీరుతుందా?
కలిసి రండి.. కదలి రండి...అందరినీ ప్రేరేపించి మన అన్న పవనన్నను గెలిపించండి అంటూ ప్రచారం మంచి హుషారుగా చేశారు. హైదరాబాద్ లో జరిగినటువంటి ఒక సభకు హాజరైన హైపర్ ఆది విద్యార్థులతో మాట్లాడుతూ జనసేన పార్టీని గెలిపించాలి అంటూ సంచలన వ్యాఖ్యలు చేశారు. ఎలా పార్టీని రాష్ట్ర వ్యాప్తంగా బలోపేతం చేసి పార్టీని అధికార పీఠాన్ని అధిష్టించేలా చేయాలి అంటూ అవగాహనను పెంచాడు ఆది. పవన్ అభిమానిగా మీరు ఓటు వేయడం కాదు ఇతర పార్టీల వారిని కూడా జనసేనకు ఓటు వేసేలా ప్రేరేపించాలి అన్నారు. ఫేస్బుక్ లో, వాట్సాప్ లో అన్న గ్రూపులుగా మార్చి అందరినీ ఇన్వాల్వ్ అయ్యేలా చూడండి జనసేన పోస్ట్ లను షేర్ చేయండి. అన్న పవన్ ను ఏ విధంగా సిఎం చేయాలి అన్న దానిపై ప్రత్యేక దృష్టి పెట్టండి,వాటిని ఆచరణలో పెట్టండి అంటూ చైతన్య పరిచాడు.
పవన్ అభిమానులు మాత్రమే కాదు మిగిలిన వారిని కూడా అన్న విలువను తెలుసుకుని అన్న పార్టీ అధికారం లోకి వస్తే అందరి విలువ పెరుగుతుంది అని ప్రజలందరూ అభివృద్ధి పదంలో సంతోషంగా జీవిస్తారు అని తన ప్లానింగ్ మొత్తాన్ని చెప్పకనే చెప్పాడు ఆది. పవన్ ను గెలిపిస్తే దేశానికి లాభమే తప్ప నష్టం లేదని, ఎందుకంటే పవన్ కు దోచుకునే ఉద్దేశం అసలు లేదు , దాచుకోవాల్సిన అవసరం అంతకన్నా లేదు అంటూ చెప్పుకొచ్చారు.